Бүлүүгэ Гавриил Чиряев аатынан түмэл өрөмүөн кэнниттэн аһылынна

Бүлүү оройуонугар уһулуччулаах судаарыстыбаннай диэйэтэл Гавриил Чиряев төрөөбүтэ 100 сылыгар аналлаах үөрүүлээх тэрээһиннэр ыытыллаллар.

«Миэхэ Саха сирин историятын элбэхтик уларыта туппут лидербит төрөөбүт-үөскээбит Бүлүү сиригэр сылдьарым ураты чиэс!» — диэн Ил Дархан Айсен Николаев бэйэтин ТГ-ханаалыгар суруйар.

Чочу нэһилиэгэр, Гавриил Чиряев төрөөбүт сиригэр, Ил Дархан бюһугар тыыннаах сибэкки дьөрбөтүн уурда. Айсен Николаев бүгүн, муус устар 18 күнүгэр, нэһилиэккэ Г.Чиряев аатынан түмэл саҥардыллыбытын кэнниттэн аһыллыбытын туһунан иһитиннэрдэ. «30 сыл анараа өттүгэр тэриллибит түмэл бүгүн саҥалыы тыыннанна. Кэлэр көлүөнэлэр бэйэлэрин уһулуччулаах сирдэрин аатын билэллэригэр, өйдүүллэригэр уонна киэн тутталларыгар улахан, хаачыстыбалаах үлэ ыытылынна», — диэн бэлиэтээн Айсен Николаев.