Бырааһынньыгы туһанан албынныахтара

Түөкүттэр Арасыыйа күнэ буолаары турдаҕына, дьону албынныыр араас исхиэмэни толкуйдууллар.

Социальнай ситимнэргэ бырааһынньыгынан сибээстээн судаарыстыбаннай төлөбүр бэриллэр диэн албын сигэлэри ыытыахтарын сөп. Ону батыһабын диэн харчыгын уонна дааннайдаргын сүтэриэххин сөп.

Ону таһынан “бырааһынньык бонустара”, “судаарыстыбаннай инвестиционнай бырагырааманан” баһаам барыгы ылыаххыт диэн саарбах криптобырайыактарга киллэрээри гыныахтара.

Маны кытта түөкүттэр бырааһынньыгынан “ураты аахсыйалары” туһан, чэпчэки сыаналаах табаары, өҥөнү атыылас диэн исхиэмэлэри ыытыахтарын сөп.