Салгыы
Бырааһынньыктарга куорат хаһаайыстыбата олохтоммут бэрээдэгинэн үлэлээтэ

Бырааһынньыктарга куорат хаһаайыстыбата олохтоммут бэрээдэгинэн үлэлээтэ

09.01.2024, 14:30
Хаартыска СӨ Баһылыгын пресс-сулууспатыттан
Бөлөххө киир:

Киин куорат хаһаайыстыбата бырааһынньыктар кэмнэригэр олохтоммут бэрээдэгин үлэлээтэ диэн Дьокуускай куорат баһылыга Евгений Григорьев Ил Дархан Айсен Николаевы кытары көрсүһүүтүгэр отчуоттаата. Бу туһунан СӨ Баһылыгын уонна бырабыыталыстыбатын пресс-сулууспата иһитиннэрэр.

Евгений Григорьев куорат дьаһалтата өрөспүүбүлүкэ киин куоратын санитарнай туруга тупсарын туһугар ыытыллар дьаһаллар, дьаһайар хампаанньалар уонна уокуруктар үлэлэрин, ону таһынан олох-дьаһах, коммунальнай хаһаайыстыба хайдах балаһыанньалааҕын туһунан өрөспүүбүлүкэ баһылыгар иһитиннэрдэ.

«Саҥа дьыллааҕы бырааһынньыктар, уопсайынан, чуумпутук аастылар, куорат хаһаайыстыбата олохтоммут бэрээдэгинэн салгыы үлэлиир», – диэтэ Евгений Григорьев.

Айсен Николаев улахан тымныылар сатыылаан турар кэмнэригэр коммунальнай сулууспалар үлэлэригэр улахан болҕомтону ууралларыгар, уматык саппааһа, тиэхиньиичэскэй суолталаах солбук бородуукта, уот биэрэр саппаас источниктар үлэлииллэрин уонна уопсастыбаннай тырааныспар үлэтин-хамнаһын хонтуруоллуулларыгар сорудахтаата.

+1
1
+1
0
+1
1
+1
0
+1
0
+1
0
+1
0
Бары сонуннар
Салгыы
19 апреля
  • -4°C
  • Ощущается: -7°Влажность: 86% Скорость ветра: 2 м/с

Сообщить об опечатке

Текст, который будет отправлен нашим редакторам: