Акушер-гинеколог быраас сыыһа диагноз туруорбут дьыалата суут көрүүтүгэр ыытылынна

Дьокуускай куорат борокуратуурата акушер-гинеколог быраас холуобунай дьыалатын суут көрүүтүгэр ыытта.

Дьокуускай куорат борокуратуурата акушер-гинеколог быраас холуобунай дьыалатыгар буруйдуур түмүгүн бигэргэттэ. Кини РФ ХК 2 ч. 118 ыст. буруйданар.

Силиэстийэ көрдөрбүтүнэн, 49 саастаах буруйданааччы бэйэтин эбээһинэһин ситэри толорботоҕун түмүгэр, дьахтарга сыыһа диагноз туруоруллубут, итинэн сибээстээн оҕо төрүүрүгэр сыыһа ньыма таллыллыбыт.

Оҕону төрүүр кэмигэр сыыһа ньыма туттуллубутунан сибээстээн, саҥа төрөөбүт оҕо эчэйиини ылбыт, ол түмүгэр эспиэр этэринэн, оҕо доруобуйатыгар улахан буорту оҥоһуллубута сыаналанар.

Буруйдаах холуобунай дьыалатыгар түмүк силиэстийэ ыытыллыбытын кэннэ дьыалата суут көрүүтүгэр ыытылынна. Холуобунай дьыала ИДЬМ сулууспатын силиэстийэлээччитинэн оҥоһулунна.