Быраас дьупулуомун бэрэбиэркэлиири туруорсаллар

Эрэгийиэннэр Доруобуйа харыстабылын министиэристибэлэрэ быраастар үөрэхтэрин бэрэбиэркэлиир уонна онно аналлаах регистр оҥоһулларын өйөөтүлэр.

Маннык дааннайдары “МедРокет» уонна «ПроДокторов» портааллар таһаардылар. Ааспыт икки сылга портаалга мэдисиинискэй үлэһиттэр үөрэхтэрин докумуонун сымыйанан оҥоруу 300-тэн тахса түбэлтэтэ булулунна. 279 быраас быраастыыр категориялара сымыйа буолан таҕыста, өссө 49 «исписэлиис» анал мэдисиинискэй үөрэхтэрэ олох да суох эбит.

Доруобуйа харыстабылын экэниэмикэтин үнүстүүтүн дириэктэрэ Лариса Попович, мэдисиинэ үлэһиттэрин дьупулуомнарын уонна квалификацияларын үрдэппиттэрин туһунан докумуоннары бэрэбиэркэлиири күүһүрдэр наадалааҕын бэлиэтиир.

Билигин мэдисиинэ эйгэтигэр урукку сэбиэскэй өрөспүүбүлүкэлэртэн, тас дойдулартан элбэх исписэлиис баарын учуоттаан туран, кинилэр дьупулуомнарын кичэйэн бэрэбиэркэлээһин барыахтаах, диэн суруйар “Российская газета”.