Кардиолог-быраас Виталий Андреевка «Норуот фрона. Барыта кыайыы туһугар!» түөскэ кэтиллэр бэлиэ туттарылынна

Саха Өрөспүүбүлүкэтин РФ Бэрэсидьиэнин иһинэн бастайааннай бэрэстэбиитэлэ –СӨ Бырабыыталыстыбатын бэрэссэдээтэлин бастакы солбуйааччы Андрей Федотов быраас-кардиолог Виталий Андреевка «Норуот фрона. Барыта кыайыы туһугар!» түөскэ кэтиллэр бэлиэни туттарда.

Виталий Андреев Москуба уобалаһын Дубна куоратыгар баар Арассыыйа ФМБА 9 №-дээх МСЧ ФБУЗ Тымыр киинин салайар. Кини 2024 сыллаахха холбоһуктаах мэдиссиинискэй этэрээт састаабыгар киирэн, Запорожье уобалаһыгар бойобуой дьайыылар инники кирбиилэригэр үлэлээбитэ, анал байыаннай эпэрээссийэ кыттыылаахтарыгар түүннэри-күнүстэри мэдиссиинискэй көмөнү оҥорбута.

Кини – дьиэ кэргэнигэр үһүс көлүөнэ быраас, кардиолог, мэдиссиинискэй билим хандьыдаата, 29 научнай ыстатыйа уонна чинчийии ааптара. Виталий Андреев 2016 сылтан академик Лео Бокерия салайыытынан А.Н. Бакулев аатынан Сүрэх-тымыр хирургиятын национальнай мэдиссиинискэй чинчийэр киинигэр кардиолог-бырааһынан үлэлээбитэ, оттон 2023 сыллаахха Тымыр киинин салайааччытынан анаммыта.

«Норуот фрона. Барыта кыайыы туһугар!» түөскэ кэтиллэр бэлиэ дойду Бэрэсидьиэнэ Владимир Путин «Барыта кыайыы туһугар!» пуорум кыттыылаахтарын кытта көрсүһүүтүн кэнниттэн сорудаҕынан олохтоммута.

Бу үрдүк наҕарааданы туттарар дьон ортотугар үтүө көмөһүттэр, айааччылар, миэдиктэр– анал байыаннай дьайыыгакыттар биһиги буойуттарбытыгар уонна кинилэр кэргэттэригэр көмөлөспүт дьон бааллар.