Хаартыска: Галина Мозолевская, СИА
Биллэн турар үүнэр оҕо организмыгар ас-үөл көрүҥэ араас буолуохтаах. Ол эрээри, маҕаһыыннарга ыһылла-тоҕулла турар сорох биллэр-көстөр бородуукталары оҕолорго биэрэр сатаммат диэн эндокринолог-быраас, «СМ- Клиника» диетолога, м.н.х. Оксана Михалева «Известияҕа» кэпсээтэ.
Бу испииһэккэ аан бастакынан минньигэс үүт ас бородууксуйалара киирдилэр: йогуртар, үүт коктейллара, минньигэс иэдьэгэйдэр уонна сакалаат бүрүөһүннээх сыырдар.
«Бу бородуукталарга саахар уонна буортулаах эбилик баар, ол иһигэр консерваннар, стабилизатордардар, кырааскалар, ароматизатордар уонна амтаны күүһүрдэр эттиктэр. Ол эрэн сорох саахара суох минньигэс үүт ас көрүҥнэрин эмиэ көрсүөххэ сөп. Онон састаабын болҕомтолоохтук үөрэтэргит улахан суолталаах. Оҕо ыйааһына эбиллэр сибикилээх буоллаҕына, маннык аһы-үөлү атыыласпатаргыт үчүгэй», — диэн быраас быһаарда.
Ону тэҥэ, кини этэринэн, бырамыысыланнас ньыматынан оҥоһуллубут атын гааһа суох минньигэс, фрукта симэһиннээх утахтартан аккаастанар ордук.
«Бырамыысыланнайдык оҥорон таһаарыллыбыт утахтар олус калорийдаахтар, итини таһынан араас доруобуйаҕа туһалаах битэмииннэрэ суох буолар. Маннык убаҕастар оҕону тоторботтор, онон кээмэйэ суох иһиэхтэрин сөп. Ону таһынан элбэх фруктозаны сиэһин диабет ыарыытыгар уонна уойууга тиэрдиэр. Оҕолорго саамай туһалаах утахтарынан уу уонна дьиҥнээх үүт бородууксуйалара буолаллар», — диэн бэлиэтээтэ Оксана Михалева.
Омук сиригэр кэмпилиэктэммит оҥоһуктарын барытын дойдубут киэнигэр уларытан баран, Ту-214 сөмөлүөтү бэрэбиэркэлээн көрүү саҕаланна, диэн…
Сэбирдэҕэр гликозид арбутин, виннай, яблочнай, лимоннай органическай кислоталар, С витамин, альдегид о.д.а. иҥэмтэлээх эттиктэр бааллар.…
Бүгүн киин куоракка Казначейство саалатыгар “Саха сирин бастыҥ ювелирнай оҥоһуктара-2024” быыстапка аһылынна. Тэрээһин “Кыһын Саха…
Платон Алексеевич Ойуунускай аатынан Саха тыйаатыра 95 сыла туоларынан, алтынньы 17 күнүгэр Анемподист Иванович Софронов…
Мэҥэ Хаҥалас улууһун борокуратуурата Ростов уобалаһын уонна Хакасия Өрөспүүбүлүкэтин үс олохтооҕор холобунай дьыаланан буруйдааһын түмүгүн…
Тэрээһиҥҥэ Уһук Илини уонна Арктиканы сайыннарар министиэристибэ баһылыга Алексей Чекунков кытынна. Көрсүһүү кэмигэр выпускниктар соруктарын,…