Быраас сымыйа докумуону оҥорон дьыалаҕа тардылынна

Дьааҥы улууһун борокуратуурата бырааһы сымыйа докумуона оҥорууга буруйдаан, холуобунай дьыаланы суукка ыытта.

Силиэстийэ барылынан, буруйданааччы 2024 сыл ахсынньытыгар Дьааҥы улууһун Баатаҕай бөһүөлэгэр,  боломуочуйатын туһанан, уоппускатын күннэрин уһатыннарыан баҕарбыт билэр дьахтарын көрдөһүүтүнэн, дьиҥнээх мэдиссиинэ көрүүтүн ыыппакка эрэ, ыарыылааҕын туһунан сымыйа сибидиэнньэлээх больничнай илииһи оҥорбут.

Тмүгэр дьахтар үлэ эбээһинэһиттэн сокуону кэһэн босхоломмут. Холуобунай дьыаланы Силиэстийэлиир кэмитиэт Дьааҥытаҕы  оройуоннар икки ардыларынааҕы силиэстийэлиир салаата силиэстийэлээтэ уонна борокуруор дьыаланы сүнньүнэн көрөргө суукка ыытта, диэн СӨ Борокуратуурата иһитиннэрэр.