Бырааска ыраахтан олорон

Саха сиригэр бырааска көрдөрөөрү ыраахтан олорон суруйтаран кэбиһэри дьон-сэргэ сэҥээрбит, сөбүлээбит.

Сыл саҕаланыаҕыттан 500 тыһ. тахса киһи ити көмөнөн туһаммыт. Ону сэргэ, дьиэҕэ бырааһы 9 тыһ. киһи ыҥыттарбыт. Бу туһунан СӨ доруобуйа харыстабылын министиэристибэтиттэн иһитиннэрэллэр.

«Госуслуги» порталга регистрацияламмыттар, «Мин доруобуйам» диэн табыгастаах сервиһинэн туһаналлар. Онлайн-кабинет туһата элбэх. Ол курдук, поликлиника бырааһыгар, диспансеризацияҕа, проф. көрүүгэ, вакцинацияҕа суруйтарыахха сөп. Дьиэҕэ мэдиссиинэ үлэһитин ыҥырыахха, доруобуйаҕын көрдөрбүтүҥ туһунан, анаалыһыҥ түмүгүн ылыаххын эмиэ сөп. Онтон да атын элбэх. Манык тэриллибитэ пациеннары көрүү хаачыстыбатын тупсарар.

—Бу пациеннары кытары түргэнник сибээһи олохтуурга быраастарга улахан көмөлөөх. Бириэмэ да харыстанар. Дьоҥҥо түргэнник уонна хаачыстыбалаах мэдиссиинэ көмөтө олус наада, — диэн доруобуйа харыстабылын миниистирэ Лена Афанасьева этэр.

Саха Сиригэр мэдиссиинэ өҥөтүн цифровизациялааһын РФ Бэрэсидьиэнэ Владимир Путин быһаарыытынан дойдуга 2025 сыл тохсунньу 1 күнүттэн саҕаламмыт «Уһун уонна көхтөөх олох» национальнай бырайыак иитинэн салҕанар.

Сиһилии: https://www.sakha.gov.ru/news/15325

СӨ Ил Дарханын уонна Бырабыыталыстыбатын пресс-сулууспата