Өлүөхүмэтээҕи киин балыыһата
Өлүөхүмэ улууһугар 41 саастаах эр киһи иитиилээх сааны муостаҕа түһэрэн, атаҕар доруоп саанан ытыллан бааһырбыт.
Эмсэҕэлээбит киһи элбэх хаана баран, олус ыарахан туруктаах улуустааҕы балыыһаҕа киирбит. Быраастар кини олоҕун быыһаабыттар, диэн ЯСИА иһитиннэрэр.
«Эмсэҕэлээччи этэринэн, кини аан боруогар иҥнэн, иитиилээх сааны муостаҕа сыыһа туттан түһэрбит. Эр киһи балыыһаҕа ыарахан туруктаах киирбит. Эр киһи икки лиитирэ кэриҥэ хаанын сүтэрбит», — диэн Өлүөхүмэтээҕи киин балыыһатын травматология уонна ортопедия отделениетын сэбиэдиссэйэ, быраас-травматолог-ортопед Кирилл Курганов кэпсээтэ.
Сото алын үс гыммыт биирэ улаханнык бааһырбытынан, быраастар сотону быһарга күһэллибиттэр.
«Эр киһи атаҕар курдат бааһырыыны ылбыт. Операция кэнниттэн кинини реанимация отделениетыгар көһөрбүттэрэ, хаан куппуттара, «шоктан» таһаарыллыбыта. Бааһа оһон эрэр, ыарыһах номнуо бэйэтэ торуосканан хаамар уонна балыыһаттан тахсарга бэлэмнэнэр. Мэдиссиинэ үлэһиттэрин суһал ыыппыт үлэлэрин түмүгэр кини олоҕун быыһыыр кыаллыбыт», — диэн Кирилл Курганов эбэн эттэ.
Быраас этэринэн, Өлүөхүмэ улууһугар саанан бааһырыы ытыллан сэдэхтик көстөр, сылга биэскэ диэри түбэлтэ буолар. Үксүгэр сэрэҕэ суохтан эчэйии тахсар, ордук арыгылааһыннаах сынньалаҥ кэмигэр.
Ааспыт өрөбүл күннэргэ Дьокуускайга эчэйиитэ суох 15 суол быһылаана бэлиэтэннэ. Бу туһунан киин куорат ГАИ…
2025 сылга араас таһымнаах быыбардарга байыаннай дьайыы 890 кыттыылааҕа мандааттаах туппут. Бу туһунан «Биир ньыгыл…
Бүгүн, ахсынньы 16 күнүгэр, Дьокуускайга 1–8-с кылаас үөрэнээччилэригэр актированнай күн биллэрилиннэ. Бу туһунан киин куорат…
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…