Хаартыска: https://www.sakha.gov.ru/
Ил Дархан көҕүлээһининэн тэриллибит Арктика оройуоннарыгар мэдиссиинэ көмөтүн оҥорор пилотнай бырайыак хоту дойду усулуобуйатыгар бэрт көдьүүстээҕин көрдөрдө.
Бүгүн доруобуйа бииртуһаайыытыгар исписэлиистэртэн таҥыллыыбыт быраастар мобильнай биригээдэлэрэ Усуйаана, Абый, Орто Халыма уонна Аллараа Халыма улуустарыгар үлэлии сылдьаллар.
Усуйаанаҕа икки биригээдэ үлэлиир, номнуо 300-тэн тахса киһини көрбүттэр. Бастакы биригээдэ Усуйаана улууһугар олунньу 3 күнүгэр көппүтэ. 12 исписэлиис тиийэн үлэлиир. Кинилэр кэккэлэригэр травматолог, акушер-гинеколог, невролог, эндокринолог уонна да атын анал үөрэхтээх быраастар бааллар. Тиийээт даҕаны нэһилиэктэри кэрийэн 157 киһини көрбүттэр-истибиттэр. 10 исписэлиис састааптаах биригээдэ олунньу 6 күнүгэр тиийбитэ, бүгүҥҥү күн туругунан 150 киһи доруобуйатын чинчийбиттэр.
«Маннык биригээдэлэр тэйиччи сытар улуустарга тиийэн үлэлииллэрэ олус көдьүүстээх. Дьон биһириирэ тута көһүннэ. Холобур, Нижнеянскайга кардиолог көрөн-истэн баран, ыспыраапка биэрэн «Саханефтегазсбыт» икки исписэлииһэ салгыы үлэлиир кыахтаммыттар”, — диэн кэпсээтэ СӨ Мобильнай биригээдэлэрин киинин салайааччыта Артем Ксенофонтов.
Мобильнай биригээдэлэр кулун тутарга Үөһээ Дьааҥы, Эдьигээн, Муома уонна Аллайыаха улуустарыгар тиийиэхтэрэ. Быйыл барыта 13 улуус хабыллыахтаах.
Олунньу 21 күнүгэр диэри мобильнай биригээдэлэр Хайыр, Уус Куйгаа, Сайылык, Хаһааччыйа, Нижнеянск, Тумат, Дьүкээгир уонна Депутатскай олохтоохторун көрүөхтэрэ.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…