Хаартыска: СИА
Биир кэрэ аҥаар онкология ыарыытыгар уорбаланан, балыыһаҕа киирбит. Онтон эпэрээссийэ кэмигэр быһаарбыттарынан, куртах искэнин оннугар баттах улахан мөчөҕүн (комуогун) булан ылбыттар.
Бу түбэлтэ туһунан Өрөспүүбүлүкэтээҕи 2 №-дээх балыыһа эпэрээссийэлиир сиэстэрэтэ Надежда Лазарева СИА-ҕа кэпсээтэ.
Кини кэпсээбитинэн, 18 саастаах эмтэнээччи кыайан аһаабат да, ууну испэт да буолан балыыһаҕа киирбит. Быраастар эпэрээссийэ кэмигэр кини куртаҕыттан оҕо оонньуур эрэһиинэ мээчигин саҕа кээмэйдээх мөчөҕү хостоон ылбыттар. Киһи баттаҕын уһугун (Рапунцель синдрома диэн ааттыыллар) истириэстэн уонна ыарахан санааҕа баттатыыттан ыстыан сөп дииллэр. Баттах киһи куртаҕар хас да сылы быһа сылдьыан сөп.
Билигин мэдиссиинэ биллэ сайдан, үрдүк технологиялаах тэриллэринэн туһанар буолан, итинник түбэлтэлэр тахсыбаттар.
“Бу түбэлтэ 1980-с сылларга буолбута. Мин балыыһаҕа хайыы үйэ 40 сыл үлэлиибин, онон итини үчүгэйдик өйдөөн хаалбыппыт. Эпэрээссийэ ситиһиилээхтик ааспыта. Кэлин биллибитинэн, эдэр кыыс оҕо эрдэҕиттэн баттаҕын ыстыыр идэлээх эбит”, — диэн эпэрээссийэлиир сиэстэрэ Надежда Лазарева кэпсээтэ.
Дьокуускай куоракка полицейскайдар тутуу биригээдэтин үлэһитэ электроинструменнары уорууга уорбаланарын быһаардылар. Полиция 1-кы нүөмэрдээх отделын дьуһуурунай…
Тохсунньу 14 күнүгэр Уус Маайа улууһун Белькачи сэлиэнньэтин кулууба умайан эрэрин туһунан суһал иһитиннэрии баһаарынай-быыһыыр…
В.П.Ларионов аатынан өрөспүүбүлүкэтээҕи “Инникигэ хардыы” 30-c төгүлүн ыытыллар кэмпириэнсийэ-күөн күрэс түмүктэннэ, кыайыылаахтар ааттара билиннэ. Быйыл…
Бүгүн, тохсунньу 15 күнүгэр, Дьокуускай куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, тохсунньу 15 күнүгэр, өрөспүүбүлүкэ баһыйар үгүс өттүгэр хаардыаҕа. Хоту оройуоннарга сөҥүү түһэрэ күүтүллүбэт. Арктика…
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …