Хаартыска: Өрөспүүбүлүкэтээҕи мобильнай биригээдэ киинин пресс-сулууспата
Өрөспүүбүлүкэтээҕи мобильнай биригээдэ быраастарын элбэх хайысхалаах биригээдэтэ Анаабыр, Орто Халыма, Үөһээ Халыма, Усуйаана уонна Аллараа Халыма улуустарынан үлэлииллэр.
Бу туһунан СӨ Ил Дарханынан уонна Бырабыыталыстыбатын пресс-сулууспата иһитиннэрэр. Анаабыр улууһугар быраастар Сааскылаах сэлиэнньэтин олохтоохторун көрдүлэр. Ону тэҥэ Үрүҥ Хайа сэлиэнньэтигэр тахсыы былааннаммыт эрээри, билиҥҥитэ тохтотуллан турар.
«Үрүҥ Хайа сэлиэнньэтигэр халлаан туруга мөлтөөн, табыгаһа суох буолан, сэтинньи ый бүтэһигэр кыһыҥҥы суол турдаҕына барыахпыт. Оройуоҥҥа барыта 294 киһи көрүлүннэ, олортон 64-дэ оҕолор» — диэн кэпсээтэ Өрөспүүбүлүкэтээҕи уопсастыбаннай доруобуйа уонна мэдисссинэ профилактикатын киинин кылаабынай бырааһа Юлия Спиридонова.
Орто Халыма улууһугар элбэх хайысхалаах оҕо быраастарын биригээдэтэ үлэлиир. Арҕахтаах Эбэх, Өлүөкэ күөл, Сватай, Березовка, Ойуһардаах уонна Сылгы Ытар сэлиэнньэлэригэр быраастар 388 оҕонү көрдүлэр. Үөһээ Халымаҕа, Усуйаанаҕа уонна Аллараа Халымаҕа элбэх хайысхалаах биригээдэ быраастара саҥа үлэлэрин саҕалаатылар. Ону таһынан сотору кэминэн быраастар Эбээн Бытантай, Булуҥ уонна Аллайыаха улуустарыгар көтүөхтэрэ. Аны Уусаайана улууһугар стоматологическай биригээдэ тахсарга бэлэмнэнэр. Ол кэннэ стоматологтар Анаабыр, Өлөөн уонна Эбээн Бытантай улуустарыгар сылдьыахтара.
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…