Хаартыска: ааптар
“Далбар Хотун” сурунаал 30 сыллаах үбүлүөйүгэр аналлаах тэрээһиннэр салҕаналлар. “Комдрагмет” дьиэтин иккис этээһигэр сурунаал үбүлүөйдээх быыстапкатын билсэ кэлбит дьон сорох күннэргэ дьикти дьарыктаах, кэрэхсэбиллээх үлэлээх дьону кытары көрсүһүүлэргэ сылдьаллар.
Кулун тутар 12 күнүгэр “Victory Clinic” үрдүк категориялаах быраастара: гинеколог-эндокринолог Любовь Гаврильевна Харитонова уонна диагноз туруорар лаборатория сэбиэдиссэйэ Нина Кирилловна Федорова үлэлэрин ымпыгын-чымпыгын уонна тустаах ыарыы уратыларын туһунан сиһилии кэпсээтилэр, сүбэ-ама биэрдилэр, ыйытыыларга хоруйдаатылар.
Кинилэр сүрүннээн эрдэтинэ анаалыс туттарыы, искэн ыарыытын сэрэтии, дьахтарга «климакс» кэмэ тирээн кэллэҕинэ бэйэтин доруобуйатын хайдах көрүнүөхтээҕин туһунан киһиэхэ тиийимтиэ гына кэпсээтилэр. Любовь Гаврильевнаҕа гормональнай эмтэри, БАД уо.д.а. препараттары иһэр төһө сөптөөҕүн, дьахтар киһи гинеколог-бырааска хас сааһыгар диэри сылдьыахтааҕын уо.д.а. киһи күн аайы быраастан ыйытарыттан кыбыстар боппуруостарын биэрэннэр, гинеколог-эндокринолог бэрт аһаҕас кэпсэтиини таһаарда.
Онтон Нина Кирилловна аныгы үйэҕэ искэн ыарыытын анаалыстыыр ньыма сайдан иһэрин, лаборатория ыарыыны быһаарарыгар араас көрүҥнэр баалларын туһунан иһитиннэрдэ. Холобур, “жидкостная цитология” — бастакы сүһүөх скрининг аныгы уонна олус көдьүүстээх ньымата. Биир анаалыска дьахтар киэлитигэр искэн суоҕун тута билиэххэ сөп. Маннык анаалыһы 18-65 саастаах дьахталлар үс сылга биирдэ туттарыахтарын сөп. Анаалыс түмүктэрэ 1-3 күнүнэн бэлэм буолаллар.
Үгүс киһи саамай сөбүлээбэт колоноскопия чинчийиитин эккэ-сииҥҥэ, өйгө-санааҕа охсуута суох чинчийиинэн солбуйуохха сөбүн, ол технология билиҥҥитэ “Victory Clinic” эрэ баарын туһунан Нина Кирилловна кэпсээбитин көрсүһүүгэ кэлбит дьон бары сэҥээрэ иһиттилэр.
Нина Федорова түмүккэ “Далбар Хотун” сурунаал үбүлүөйдээх тэрээһинигэр ыҥыран, дьону-сэргэни кытары аһаҕастык кэпсэтэр кыаҕы биэрбиттэригэр махтанна уонна тэрийээччилэргэ, сурунаал ааҕааччыларыгар эҕэрдэтин тириэртэ.
Ыам ыйын 6 күнэ. Ил Дархан Саха сирин бортпроводниктарын сулууспата 80 сылын туолар үбүлүөйдээх күнүнэн…
[gallery ids="49310,49309,49308,49307"]
Ил Дархан Айсен Николаев Бырабыыталыстыбаны уонна Баһылык дьаһалтатын кытары бүгүҥҥү мунньаҕар уталытыллыбакка быһаарыллыахтаах сүрүн соруктары…
Таатта улууһун Уолба нэһилиэгиттэн чугас тыатааҕы сылдьарын көрбүттэрин туһунан видео социальнай ситимҥэ тарҕанна. Биһиги нэһилиэк…
Уһук Илиҥҥэ ыытыллар «Это у нас семейное» куонкуруска кыайбыт 30 ыал олорор усулуобуйаларын тупсаралларыгар биэс…
Өлүөхүмэ оройуонугар булчуттар бэйэлэрин көмүскэнээри оҕолордоох эһэни өлөрбүттэрэ чопчуланна. Ийэ эһэ булчуттарга саба түспүтүн ыппыттар,…