Хаартыска: доруобуйа харыстабылын министиэристибэтэ.
Саха сиригэр 2023 сылтан «ЗдравКонтроль» федеральнай бырайыагынан социальнай ситимнэргэ быраастар пациеннарын кытта кэпсэтэр чаттара үлэлииллэр.
Телеграмҥа «Якутск. Здоровье» уонна «Саха. Здоровье» чаттар номнуо 5 тыһыынчаттан тахса сурутааччылаахтар.
— Мэдиссиинэ чаттара дьон мэдиссиинэ тэрилтэлэрин кытта алтыһалларын, өҥөнү оҥоруу хаачыстыбата тупсарын туһугар тэриллибиттэрэ. Чат көмөтүнэн дьон ыйытар боппуруостарыгар быһа хоруйдары ылаллар. Балыыһалар исписэлиистэрэ киирбит ыйытыыларга уталыппакка хоруйдууллар, — диэн доруобуйа харыстабылын миниистирэ Лена Афанасьева этэр.
«Якутск. Здоровье» чатка Дьокуускайга баар мэдиссиинэ бары тэрилтэлэрэ бааллар. Оттон «Саха. Здоровье» чатка атын куораттарга, улуустарга баар мэдиссиинэ тэрилтэлэрэ холбоммуттар.
Сүрүннээн быраастарга суруйтарыы кэтэһиилээҕин, чэпчэтиилээх эмтэри ылар, бырааһы дьиэҕэ ыҥырар, направление ылар ыарахаттарын, о.д.а. кыһалҕалары быһаарсаллар, ыйытыыларга хоруйдары ылаллар.
Бу чаттарга ыарыы, диагноһу туруоруу, быраас сүбэтин ылыы, эмтэри анатыы, суһал көмөнү ыҥырыы, балыыһаҕа киирии, төлөбүрдээх өҥө сыаната, о.д.а. боппуруостар көрүллүбэттэр.
Ыйытыылары сарсыарда 8-тан киэһэ 8 чааска диэри биэрэн, хоруйдары тута ылыахха сөп. Телеграмҥа бу бөлөхтөр ааттарын көрдөттөххүтүнэ, тута булуоххут.
Федеральнай бырайыак РФ Уопсастыбаннай балаататын өйөбүлүнэн, РФ бэрэсидьиэнин гранынан үбүлэнэр.
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…
Саха сиригэр ойуур баһаардарын умуруорууга 154 исписэлиис үлэлиир диэн суһал ыстаап иһитиннэрэр. Суукка иһигэр барыта…
Улуу Кыайыы үбүлүөйдээх 80 сылын көрсө Марха бөһүөлэгэр 101 саастаах Аҕа дойду Улуу сэриитин кыттыылааҕа…