Быраатын өлөрөн тоҕус сылга хаайылынна

Хаҥалас улууһун 58 саастаах  олохтооҕо быраатын өлөрөн, РФ Холуобунай кодексын 105 ыст. 1 ч. сууттанна. 

Силиэстийэ уонна суут быһаарбытынан, 2025 сыл атырдьах ыйын 26 күнүгэр, Мохсоҕоллоох бөһүөлэгэр кыбартыыраҕа бииргэ төрөөбүт  бырааттыыллар айдаарсан турбуттар. Сууттанааччы итирик туруктаах сылдьан, айдаарсан баран быраатын абааһы көрөн, иһигэр уонна моойугар хаста даҕаны быһаҕынан анньыбыт. Быраата улаханнык эчэйэн, тута миэстэтигэр өлбүт.

Аймахтара быһылаан тахсыбытын билэн баран, тута полицияҕа  тыллаабыттар.  Буруйданааччыны тутан хаайбыттар.

Силиэстийэлээһин кэмигэр уонна суут мунньаҕар буруйданааччы буруйа толору дакаастанан, суут судаарыстыбаннай буруйдааччы санаатын учуоттаан, өлөрүөхсүтү 9  сылга кытаанах эрэсиимнээх холуонньаҕа хаайарга бириигэбэрдээтэ.