Хаартыска: Силиэстийэлиир кэмитиэт.
Алтынньы 3 күнүгэр Дьокуускай куорат биир дьиэтигэр 40 саастаах дьахтар уонна 11 саастаах уол оҕо өлүктэрэ булуллан, үгүс дьону уолуппуттара. Алдьархай буолбут төрүөтүн силиэдэбэтэллэр силиэстийэлии сылдьаллар.
Өлөрүүгэ уорбаланан, икки 16 саастаах кыргыттары СИЗО-ҕа хаайбыттара. Кинилэртэн биирдэстэрэ — өлбүт дьахтар кыыһа уонна уол эдьиийэ.
Кинилэр билиммиттэринэн, кыыс ийэтин өлөрөргө эрдэттэн былааннаммыт уонна дьүөгэтин тылыгар киллэрбит. Өлөрөр малларын — өтүйэни уонна саха быһаҕын бэлэмнээбиттэр диэн НТВ ханаалга көрдөрдүлэр.
Кыыс билиммитинэн, быраатын өлөрөр былаана суох үһү. Уолчаан оскуолаттан эрдэ кэлэн биэрээхтээбит. Кыргыттар сибидиэтэли суох гынарга быһаарынан, биирэ уолу тутан турбут, эдьиийэ өтүйэнэн баһын хампы сынньыбыт…
Бу кэнниттэн кыргыттар күрээбиттэр, саһа сатаабыттар. Өлүктэри аймахтара дьахтар булбут — эрийэ сатаан баран, дьиэлэригэр тиийэн кэлбит.
Бу иэдээн хомуньуус, бэлиитик, байыаннай дьайыы кыттыылааҕын дьиэ кэргэнигэр буолбут. Кини 2023 сыл сэтинньитигэр госпитальга сытан, ылбыт бааһырыытыттан тыына быстыбыта. Аҕата өлбүтүн кэннэ, кыыс уйулҕа өттүнэн охсууну ылан, буккуллан туран кэлбит. Кыыс оскуолаҕа үөрэммэт, инбэлиит, уҥуоҕа кэбирэх буолан, дьиэтигэр олорон үөрэнэр эбит.
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…
Алтынньы 10 күнүгэр Ил Түмэҥҥэ “Саха Өрөспүүбүлүкэтин Конституциятыгар (Төрүт Сокуонугар) көннөрүүлэр уонна эбиилэр тустарынан” диэн…
Дьокуускай куоракка биир күн иһигэр итирик туруктаах суоппардартан сылтаан икки суол быһылаана буолла. Бу туһунан…
Бүгүн, алтынньы 13 күнүгэр, Үөһээ Бүлүүгэ анал байыаннай дьайыы хонуутугар дьоруойдуу олохторун толук уурбут байыастар…