Быраатын көмүскэһэн, оҕолору охсубут

Бэҕэһээ, от ыйын 22 күнүгэр, Дьокуускай полициятыгар олохтоох дьахтар Вера Захарова уулуссатыгар баар дьиэ тиэргэнигэр мөккүөрдээх быһылаан буолбутун туһунан иһитиннэрбит. Бу туһунан СӨ ИДьМ пресс-сулууспата суруйар.

Кини эппитинэн, биллибэт кыыс кини 9 уонна 10 саастаах уол оҕолорун охсуолаабыт.

Холуобунай ирдэбил үлэһиттэрэ маныаха 16 саастаах кыыс уорбаланарын быһаарбыттар. Барыллаан быһаарбыттарынан, бу уолаттар кыыс быраатын атаҕастаабыттар, онуоха кыыс эйэлээхтик мөккүөрү быһаара сатаабыт. Ол даҕаны үрдүнэн уолаттар тохтооботохтор, ол иһин кыыс охсуолаабыт.

Билигин «Побои» ыстатыйанан административнай силиэстийэ бара турар.