Хаартыска: Айхал, Удачнай дьаһалталарын пресс-сулууспаларыттан
СӨ Бырабыыталыстыбатын бэрэссэдээтэлин солбуйааччы Ольга Балабкина салайааччылаах бөлөх бүгүн, олунньу 10 күнүгэр, Айхалга уонна Удачнайга сырытта.
«2022 сыллаахха атырдьах ыйыгар Ил Дархан Айсен Николаев «2030 сылга диэри Мииринэй оройуонун сайыннарыы туһунан» ыйаахха илии баттаабыта. Ол иитинэн оройуоҥҥа элбэх үлэ ыытыллар. 2024 сылга Мииринэй оройуоннааҕы киин балыыһатын дьахтар оҕолонор отделениетыгар уонна дьахталлар доруобуйаларын көрөр-истэр отделениеҕа хапытаалынай өрөмүөннэр ыытыллыбыттара. Улахан дьону көрөр-истэр поликлиникаҕа саҥалыы уларытан оҥоруу үлэтэ ыытыллар. Мэдиссиинэ тэриллэрэ уонна көлө паарката саҥардыллаллар. Федеральнай трасса аспаалланар, Чуоналыыры туоруур муоста тутуллубута. Маны сэргэ, Мииринэйгэ 1 №-дээх оскуола саҥа корпуһа тутулунна, аны, политехническэй лиссиэй успуорка саалата тутулла турар. Өссө да элбэх оҥоһуллуохтаах«, — диэтэ Ольга Балабкина.
Доруобуйа харыстабылыгар оройуоҥҥа эмиэ балачча ситиһиилэр бааллара бэлиэтэннэ. Бэрэссэдээтэли солбуйааччы Мииринэй оройуонугар 17 эдэр исписэлиис үлэлии кэлбитин, итинтэн 10 быраас: 3 педиатр-быраас, 2 эндокринолог-быраас, быраас-психиатр-нарколог, кардиолог, УЗИ бырааһа, харах бырааһа кэлбиттэрин бэлиэтээтэ. Маны таһынан, Мииринэй оройуоннааҕы киин балыыһатыгар ааспыт сылга 2 биэлсэр, 2 сиэстэрэ, уо.д.а. үлэлии кэлбиттэр.
«Земскэй дуоктар/Земскэй биэлсэр» федеральнай бырагырааманан 2012-2024 сс. Мииринэй оройуоннааҕы киин балыыһатыгар 43 быраас, 8 орто медперсонал үлэлии кэлбит. Бу бырагырааманан 2025 сылга биэс квота көрүллүбүт: врач-акушер-гинеколог, суһал көмө биэлсэрдэрэ, анестезиолог-реаниматолог, хирург.
СӨ Бырабыыталыстыбатын отчуота Мииринэй оройуонугар бүгүҥҥүттэн саҕаланна. Ольга Балабкина салайааччылаах бастакы бөлөх Айхал уонна Удачнай олохтоохторун көрүстэ. СӨ баайга-дуолга уонна сир сыһыаныгар миниистир Павел Багынанов салайааччылаах иккис бөлөх Сүлдьүкээргэ отчуоттаата. СӨ ОДьКХ уонна энергетикатын миниистирин солбуйааччы Наталия Готовцева салайааччылаах үһүс бөлөх бүгүн Чернышевскай уонна Светлэй олохтоохторун көрүстэ.
Сарсын отчуоттар Таас Үрэххэ, Арыылаахха, Алмазнайга уонна Мииринэйгэ ыытыллаллар.
СӨ Ил Дарханын уонна Бырабыыталыстыбатын пресс-сулууспата
Хаартыскалар Айхал уонна Удачнай дьаһалталарын пресс-сулууспаларыттан
Сунтаарга икки күн устата хапсаҕай күрэһэ буолан ааста. Өрөспүүбүлүкэтээҕи күрэххэ спорт маастардара, чаҕылхай спортсменнар, хапсаҕайы…
Эбээн Бытантай национальнай улууһугар олунньу 11 күнүттэн СӨ Бырабыыталыстыбатын отчуота ыытыллар. Оробуочай бөлөҕү бырабыыталыстыба бэрэссэдээтэлин…
Бу күннэргэ Дьокуускайдааҕы полиция 1-кы нүөмэрдээх отделыгар таҥас сууйар массыынатын уордарбыт дьахтартан сайабылыанньа киирдэ. Дьахтар…
Олунньу 23 күнүгэр "Россия" ханаалга Андрей Малахов биэриитигэр Аҕа дойдуну көмүскээччи күнүгэр аналлаах таһаарыы тахсыаҕа.…
Бүгүн, олунньу 11 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата араас…
Бүгүн, олунньу 11 күнүгэр, өрөспүүбүлүкэ арҕаа өттүгэр, Халымаҕа, Өлүөнэ аллараа тардыытынан кыралаан хаардыаҕа. Мантан атын…