Бүгүн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайааччылах оробуочай бөлөх Өймөкөөн улууһугар үлэлээтэ.
СӨ гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыы миниистирэ Дмитрий Лепчиков нэһилиэк олохтоохторун кытта көрсүһүүгэ 2013 сыллаахха буолбут улахан алдьатыылаах халааҥҥа үлэлэспитин бэлиэтээтэ. «Айылҕа иэдээниттэн тахсыбыт быһыыны-майгыны бастакы күннэртэн хонтуруоллуу олоробут. Манна миэстэтигэр быыһааччылар бөлөхтөрө кэлэн үлэлии сылдьаллар», — диэтэ миниистир.
Бырабыыталыстыба хамыыһыйатын чилиэннэрэ олохтоохторго туох ирдэбиллэри тутуһалларын сиһилии быһаардылар, сүбэ-ама биэрдилэр. Ол курдук, элбэхтэн аҕыйаҕы холобурдаатахха, тахсыбыт хоромньуну ааҕыы сүрүн үлэтэ уу түһэрин кытта саҕаланар. Дьон туттарбыт докумуона икки төгүл бэрэбиэркэни ааһар. Онон сүрүн болҕомтону дьиэ докумуонугар уонна онно бырапыыскаҕа уурар наада. Хас биирдии эмсэҕэлээччи биир кэмнээх өйөбүл харчы ылар. Аны, хоромньуну толуйууга 100 тыһыынчаҕа диэри харчынан көмө оҥоһуллар. Онон туһанарга туһаттан тахсыбыт дьиэ улахан 10 тээбиринин испииһэгэ оҥоһуллуохтаах эбит.
Хамыыһыйа былырыын Нам улууһугар буолбут халааны холобурдаан туран, дьиэлэрин докумуона ситэтэ, саҥа тутулла турар дьиэ докумуона суох буолан өйөбүл харчыга тиксибэтэх төрүөттэрин сиһилии ырыттылар, туохха болҕомтону ууралларыгар сүбэлээтилэр.
Нэһилиэк олохтоохторо бырабыыталыстыба анал хамыыһыйата кинилэри кытта анаан сирэй көрсүбүтүгэр, бэрт үгүс туһалаах сүбэни биэрбиттэригэр махталларын биллэрдилэр.
Хаартыскаларга түһэрдэ: Семен Сивцев-Өймөкөөн Сэмэнэ
От ыйын 17 күнүгэр Алдан оройуонун Томмот бөһүөлэгэр сымыыт саҕа тобурах түстэ. Бастаан ардах түспүт,…
Арассыыйа устун айаны табыгастаах уонна куттала суох оҥоруу – «Туризм уонна ыалдьытымсах буолуу» национальнай бырайыак…
Байыаннай дьайыы бэтэрээнэ Марк Белолюбскай "Аҕа дойдуну көмүскээччилэр" пуонда филиалын көмөтүнэн бэйэ дьыалатын тэринэр. Дойдутугар…
«Благоустройство Дальневосточных дворов» федеральнай бырагыраама чэрчитинэн, 2025 сылга Саха сиригэр 17 тиэргэни тупсаран оҥоруохтара диэн…
Улуустар окко кииритэлээн эрэллэр. Сир-сир аайы от үүнүүтэ араас. Бүлүү улууһун отчуттара эмиэ ходуһаларга кииритэлээн…
"Тундра" устуудьуйа Саха сириттэн бастакынан «Народ меняет страну» национальнай бириэмийэнэн наҕараадаланна. Саха сирин аниматордарын үлэлэрэ…