Бырабыыталыстыба бөлөҕө Сунтаар 26 нэһилиэнньэлээх пуунугар үлэлиэҕэ

Бүгүҥҥүттэн, олунньу 11 күнүттэн, СӨ Бырабыыталыстыбатын үгэскэ кубулуйбут отчуота Сунтаар улууһугар саҕаланар. Оробуочай бөлөҕү вице-премьер Георгий Степанов салайар.

Бөлөх үс дьоҕус бөлөххө арахсаннар, 26 нэһилиэнньэлээх пууҥҥа үлэлиэхтэрэ. Отчуот түөрт күнү быһа ыытыллыаҕа. Түмүктүүр мунньах олунньу 14 күнүгэр буолуоҕа.

Бүгүн оробуочай бөлөхтөр  Туойдаах, Хадан, Толоон, Күүкэй, Хоро уонна Элгээйи олохтоохторун кытта көрсүөхтэрэ.

Бастакы бөлөҕү вице-премьер  Георгий Степанов, иккиһи – доруобуйа харыстабылын миниистирин бастакы солбуйааччы  Дмитрий Сергин, үсүһү – үп миниистирин э.т. Иван Алексеев салайаллар.