Хаартыска: Татьяна Романова.
СӨ Бырабыыталыстыбатын бэрэссэдээтэлэ Андрей Тарасенко салайааччылаах бөлөх Өлүөхүмэ улууһугар үлэлээтэ.
Оробуочай бөлөххө олох-дьаһах хомунаалынай хаһаайыстыба уонна энэргиэтикэ миниистирэ Вячеслав Емельянов, тутуу миниистирэ Павел Кылатчанов, үөрэх уонна билим миниистирэ Ирина Любимова, нэһилиэнньэ олоҕор куттал суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Лепчиков, тырааныспар уонна суол хаһаайыстыбатын миниистирэ Владимир Сивцев, СӨ Бырабыыталыстыбатын бэрэссэдээтэлин сэкирэтэрийээтин салайааччыта Нюргуна Соколова, Ил Түмэн дьокутаата Николай Кульбертинов итиэннэ “Сахатранснефтегаз” АУо генеральнай дириэктэрэ Алексей Колодезников бааллар.
Андрей Тарасенко улуус баһылыга Николай Харбины кытта Өлүөхүмэ аэропордун көтөр-түһэр балаһатын, Солянка-Балаҕаннаах хайысханан Умнас өрөспүүбүлүкэтээҕи массыына суолун учаастагын саҕаланыытын көрдүлэр, ону тэҥэ, үөрэх уонна билим миниистирэ Ирина Любимованы, улуустааҕы үөрэх управлениетын начаалынньыга, дьокутааттар сэбиэттэрин бэрэссэдээтэлэ Андрей Солдатовы кытта Өлүөхүмэтээҕи тиэхиньикумҥа оскуола дириэктэрдэрин иитэр үлэҕэ солбуйааччыларын көмөлөһөөччүлэрин кытта көрүстүлэр.
Ону таһынан, бэрэссэдээтэл улуус салайааччылара арыалдьыттаах, Гагарин уулусса 81 (тутааччы “Дороги Олекмы” ХЭУо) уонна Набережнай уулусса 29/1 (тутааччы “Норд-Строй” ХЭУо) хаарбах дьиэлэртэн дьону көһөрүү федеральнай бырагырааманан тутулла турар олорор дьиэлэргэ сырыттылар.
Оробуочай сырыы иитинэн бырабыыталыстыба чилиэннэрэ Абаҕа нэһилиэгэр элбэх кыбартыыралаах саахалланар туруктаах олорор дьиэлэри, орто оскуоланы уонна хочуолунайы көрдүлэр.
Эбийиэктэри көрүүлэрэ Малдьаҕар нэһилиэгин Түбэ сэлиэнньэтигэр гидротиэхиньиичэскэй тутуутун үөрүүлээх аһыллыытынан түмүктэннэ. Бүтэһиккэ СӨ Бырабыыталыстыбатын оробуочай бөлөҕө Өлүөхүмэ улууһугар үлэтинэн улуус дьаһалтатыгар мунньах тэрилиннэ.
Татьяна РОМАНОВА, “Өлүөхүмэ” хаһыат.
Сэтинньи 9 күнүгэр, киэһэ 17.00 чааска, Былатыан Ойуунускай аатынан Саха театрыгар Россия народнай артыыһа, ССРС,…
Былыр эр киһи ойох ыларыгар кыыс төрөппүттэригэр анаммыт баайы-дуолу кутан биэрэрэ. Курум -- уол уруу…
Дьокуускайга Халтурин уул. икки мэндиэмэннээх дьиэҕэ баһаар буолла. Иһитиннэриллибитинэн уот дьиэ бастакы мэндиэмэнин хаппыт. Бу…
Хотугулуу-Илиҥҥи федеральнай университекка эдэр төрөппүттэргэ, оҕолорго аналлаах хос аһылынна. Бу бырайыак "Росмолодежь" грантовай куонкуруһугар кыайбыта,…
Байыаннай дьайыы бэтэрээнэ Аркадий Пудов "Ускуустуба түүнэ" диэн Бүтүн Арассыыйатааҕы аахсыйа чэрчитинэн ыытыллыбыт тэрээһиҥҥэ кытынна.…
Бүгүн, сэтинньи 6 күнүгэр, Ю.А. Гагарин аатынан Култуура киинигэр фашизмы утары “Норуот уонна аармыйа түмсүүлээхтэр”…