Бырабыыталыстыба Чукоткаҕа стратегическай бырайыагы олоххо киллэриини хааччыйар

Чукотка автономнай уокуругар Баимскайдааҕы хайа байытар кэмбинээтин тутуу саҕаланна. 

Баимскайдааҕы ГОК тутуутун хаамыытын РФ Бырабыыталыстыбатын Бэрэссэдээтэлин солбуйааччы — РФ Бырабыыталыстыбатын Аппараатын салайааччыта Дмитрий Григоренко уонна РФ Бырабыыталыстыбатын Бэрэссэдээтэлин солбуйааччы — РФ Бэрэсидьиэнин Уһук Илин ФУо боломуочуйалаах бэрэстэбиитэлэ Юрий Трутнев көрдүлэр
Кэмбинээт Баимскайдааҕы рудалаах зонаҕа тутуллар. Үбүнэн өйөбүлү ВЭФ.РФ уонна Бырайыактыыр үбүлээһин фабрикатын чэрчитинэн кэмиэрчэскэй бааннар синдикаттара оҥороллор. Уопсай кээмэйэ 1,1 трлн куоһарыа.
«Баимскайдааҕы ГОК уустук бырайыак.Манна инфраструктура суоҕа, полярнай килиимэт, бырамыысыланнас кииниттэн ырааҕа атахтыыр»,- диэтэ Дмитрий Григоренко.
«Бүгүн РФ Бырабыыталыстыбатын хамаандата Чукоткаҕа бу бырайыагы көрөөрү муһунна. Бу эбийиэк Чукоткаҕа уонна Уһук Илиҥҥэ улахан суолталаах.Тэрилтэни үлэҕэ киллэрии Чукотка экэниэмикэтин тупсарыа, уокурук бүддьүөтэ дотацията суох буолуо»,- диэтэ Юрий Трутнев.
Тутууга аныгы технологиялар туһаныллаллар. Пилота суох карьернай самосваллар уонна үүттүүр массыыналар үлэлиэхтэрэ. Искусственнай интеллект проиводство үлэтин табыгастаах оҥоруо. Алтан салаатыгар быһа флотация технологията туһаныллыа.
Дмитрий Григоренко кэмбинээт үлэлиирин туһугар суолтан саҕалаан дьон олорор оройуонугар тиийэ тутуллуо диэтэ. 1,2 тыһ. киһи олорор баахта бөһүөлэгэ тутуллуо. Чаун пуорда тутуллар, 400 км баайдаах сиргэ диэри уот лииньийэтэ тардыллар.
«Баимскайдааҕы ГОК — киэҥ хабааннаах бырайыак. ВЭБ.РФ уонна кэмиэрчэскэй бааннар кыттыылаах бөдөҥ бырайыак»,- диэн тоһоҕолоото ВЭБ.РФ бэрэссэдээтэлэ Игорь Шувалов.
Бырамыысыланнас үлэтин 2029 сылтан саҕалыа. Кэмбинээт кыамтата — 70 мөл. туонна алтан рудата.
Баимскайдааҕы рудалаах сири баһылааһыны 2018 с. дойду Бэрэсидьиэнэ Владимир Путин көҕүлээбитэ. 2021 с. Бырабыыталыстыба суол каартатын бигэргэппитэ. Бырайыак Уһук Илин уонна Байкал эрэгийиэнин 2025 сылга диэри социальнай-экэнэмиичэскэй сайдыытыгар уонна Чукотка 2030 сылга диэри сайдыытын стратегиятыгар киллэриллибитэ.
«Биһиги бырайыактан көхтөөх тутууга киирдибит. 260 млрд солк. хайы-үйэ баһылаатыбыт. ВЭБ.РФ өйөбүлэ — бу көннөрү үбүлээһин эрэ буолбатах, биһиги стратегиябытыгар итэҕэл»,—диэтэ «УК Баимская» ХЭТ генеральнай дириэктэрэ Георгий Фотин.