Хаартыска СӨ экологияҕа министиэристибэтиттэн
Бырабыыталыстыба хамыыһыйата Өймөкөөн улууһугар халаантан эмсэҕэлээбит эбийиэктэри чөлүгэр түһэрэр дьаһаллары хонтуруоллуур уонна сүрүннүүр үлэни ыытар диэн СӨ Экологияҕа, айылҕаны туһаныыга уонна ойуур хаһаайыстыбатыгар министиэрситибэтин пресс-сулууспата иһитиннэрэр.
Хамыыһыйа састаабыгар СӨ экологияҕа миниистирин солбуйааччы Анатолий Алексеев үлэлиир. Анатолий Анатольевич иһитиннэрбитинэн, бүгүҥҥү күҥҥэ чөлүгэр түһэрэр дьаһаллар чэрчилэринэн 8 улуустан көмөлөһөр бөлөхтөр, ол иһигэр М.К. Аммосов аатынан Хотугулуу-Илиҥҥи федеральнай университеттан тутуу этэрээттэрэ үлэлииллэр. Барыта 140-ча киһи чөлүгэр түһэриигэ кыттар.
Хамыыһыйа үлэтин чэрчитинэн, Өймөкөөн улууһун баһылыгын бастакы солбуйааччы Алексей Федотов арыаллаан, хамыыһыйа Сордоҥноох нэһилиэгин Орто-Балаҕан сэлиэнньэтигэр чөлүгэр түһэрэр уонна өрөмүөннүүр дьаһаллары сүрүннүүр. Онно Чурапчы улууһун тутуу биригээдэлэрэ анал байыаннай дьайыы кыттыылааҕын олорор дьиэтин чөлүгэр түһэрэллэр.
Ону таһынан хамыыһыйа чилиэннэрэ олохтоохтору кытары көрсөн, ууттан эмсэҕэлээбит нэһилиэнньэҕэ төлөбүрдэргэ, хапытаалынай өрөмүөн бырагыраамаларын олоххо киллэриигэ сыһыаннаах тирээн турар суолталаах ыйытыыларга хоруйдаатылар.
Хамыыһыйа чилиэннэрэ нэһилиэнньэҕэ куттал суох буолуутун туоратар сыалтан эрдэттэн дьаһанар үлэни ыытар туһуттан Индигиир өрүс сүнньэ уларыйар сирдэрин уонна чугастааҕы тыа хаһаайыстыбатын сирдэрин көрдүлэр.
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…