Хаартыска: sakha.gov.ru
Айсен Николаев СӨ Бырабыыталыстыбатын уонна Ил Дархан бырабыыталыстыбатын салалтатын кытта уочараттаах сүбэ мунньаҕы ыытта.
Кини Бырабыыталыстыба көһө сылдьар отчуота нэһилиэнньэ иннигэр бары муниципальнай оройуоннарын хабан, олохтоохторого олус улахан суолталааҕын бэлиэтээтэ. Билиҥҥитэ өрөспүүбүлүкэ 14 оройуонун 183 нэһилиэнньэлээх пуунугар ыытылынна. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
«Бырабыыталыстыба чилиэттэрэ ыыппыт үлэлэрин туһунан билиһиннэрдилэр, ОДьКХ туругуттан саҕалаан социальнай көҕүлээһиннэри олоххо киллэриигэ диэри олохтоохтору долгутар тутаах боппуруостары бэлиэтээтилэр. Толору ырытыы бары отчуот түмүгүнэн ыытыллыаҕа», – диэн мунньах түмүгүнэн Ил Дархан бэлиэтээтэ. Айсен Николаев 2030 сылга диэри казначейскай инфраструктурнай кирэдьииттэри биэрии мэхэньииһимин туһунан сүбэ мунньах кыттыылаахтарыгар иһитиннэрдэ.
Кирэдьииттэри ОДьКХ эйгэтигэр инфраструктурнай бырайыактары олоххо киллэриигэ, уопсастыбаннай тырааныспары атыылаһыыга, тырааныспар, инженернэй, энэргиэтикэ уонна туризм инфраструктуратын эбийиктэрин, индустриальнай пааркалыр уонна бырамыысыланнай технопааркалар инфраструктураларын, экэниэмикэ ураты зоналарын, инновационнай научнай-технологическай кииннэри сайыннарыыга, о.д.а. туһаныллыаҕа.
Ону таһынан Саха сирэ федеральнай куонкурустарга кыттарыгар, бырайыактыыр үлэни күүһүрдэригэр саҥа соругу туруорда. Ол курдук, РФ Бырабыыталыстыбатын инновационнай компетенцияларын киллэрии бэйэ баҕатынан эспэримиэнин бигэргэттэ.
Айсен Николаев Улуу Кыайыы 80 сылыгар аналлаах дьаһаллары ыытарга, ол иһигэр Саха сирин буойуннарын ааттарын үйэтитиигэ туһуламмыт «Бастионы памяти» историко-патриотическай бырайыагы, ону тэҥэ пилотнай авиационнай тиһиги сайыннарыыга РФ Бэрэсидьиэнин сорудаҕын Саха сиригэр олоххо киллэриигэ туспа сорудахтары биэрдэ.
Олох хаамыытын батыһан, билигин дьиэни-уоту бэрт тупсаҕайдык уонна толору хааччыллыылаах оҥостор буоллулар. Дьэ маннык дьиэлэри…
СӨ ОДьКХ уонна энергетикатын миниистирэ Вячеслав Емельянов Аҕа дойду уоттаах сэриитигэр Улуу Кыайыы 80 сылынан…
Маны билэҕит дуо? Куоска минньигэс амтаны билэр дуо? Оттон саамай улахан кинигэ төһө ыйааһыннаах буолуо…
Бүтүн Арассыыйатааҕы олимпиада түмүктүүр түһүмэҕэр (ВсОШ) Дьокуускайга дойду 80 эрэгийиэниттэн 300 кэриҥэ үөрэнээччи кыттыаҕа. Муус…
Быйыл тохсунньуттан Өлүөхүмэ улууһун Урицкай сэлиэнньэтин кулуубугар маскировочнай сиэккэни оҥорон саҕалаабыттар. Бу кылгас кэм иһигэр…
«Арктика» каадырдары бэлэмниир киинэ кыра кээмэйдээх суудуналары ыытарга үөрэтэн бэлэмниэҕэ. «Арктика» үлэһит каадырдары бэлэмниир киинин…