Бырабыыталыстыба отчуота — Алдаҥҥа

Бүгүн, олунньу 13 күнүгэр, СӨ Бырабыыталыстыбатын отчуота саҕаланна. Кирилл Бычков салайааччылаах бөлөх олохтоохтору кытары көрсөр. Икки күн нэһилиэнньэни кытары кэпсэтэн, санааларын истэн, үлэни-хамнаһы иһитиннэрэн баран, олунньу 14 күнүгэр Алдаҥҥа түмүктүүр тэрээһин былааннанар.

СӨ Бырабыыталыстыбатын бэрэссэдээтэлэ Кирилл Бычков, СӨ тырааныспарга уонна суол хаһаайыстыбатыгар миниистир Владимир Сивцев уонна СӨ бырамыысыланнаска уонна генологияҕа миниистир Максим Терещенко салалталарынан бөлөхтөр Кутанаҕа, Чагдаҕа, Лебединэйгэ, Ленинскэйгэ, Хатыстыырга, Томмокко, Нижнэй Кураанахха, Угайааҥҥа, уо.д.а. сирдэргэ сылдьыахтара.

Отчуоту оҥоруохтарын иннинэн нэһилиэк олохтоохторун кытары биирдиилээн көрсөн кэпсэтиэхтэрэ, ыйытыыларга хоруйдары биэриэхтэрэ. Ону таһынан, отчуот кэмигэр киирбит ыйытыыларга хоруйдуохтара, дьон-сэргэ туруорсуутун, санаатын истиэхтэрэ.

Бырабыыталыстыба ааспыт сыллааҕы үлэтин-хамнаһын отчуота кулун тутарга түмүктэниэ. Түмүгү «Саха» НКИХ ханаалларыгар таһаарыахтара.

Кыраапыгы бу сигэнэн киирэн көрүөххүтүн сөп: https://www.sakha.gov.ru/news/front/view/id/3480409

СӨ Ил Дарханын уонна Бырабыыталыстыбатын пресс-сулууспата