Бырабыыталыстыба отчуота — Аллараа Халымаҕа

Бырабыыталыстыба отчуота Аллараа Халымаҕа бэҕэһээҥҥиттэн саҕаланна.

Бастакы күн СӨ Бырабыыталыстыбатын Бэрэссэдээтэлин солбуйааччы Дмитрий Садовников салалталаах бөлөх Черскэй уонна Походскай олохтоохторун кытары көрсүбүт. Салгыы Андрюшкино уонна Халыма олохтоохторун кытары көрсүһүү ыытыллыбыт. Маны сэргэ, байыаннай дьайыы кыттыылаахтарын, кинилэр дьиэ кэргэттэрин, бойобуой дьайыылар бэтэрээннэрин кытары көрсөллөр. Маныаха ким баҕалаах психологы кытары көрсөн кэпсэтиэн, сүбэ-ама ылыан сөп диэн этэллэр. Оробуочай бөлөх нэһилиэктэргэ социальнай эбийиэктэргэ эмиэ сылдьар.

Санатан эттэххэ, сыл ахсын ыытыллар СӨ Бырабыыталыстыбатын отчуота бу нэдиэлэнэн түмүктэнэр. Түмүгү кулун тутар 7 күнүгэр «Саха» НКИХ көрдөрүөхтэрэ.

СӨ Ил Дарханын уонна Бырабыыталыстыбатын пресс-сулууспата