Ааптар түһэриитэ.
Горнай улууһун Орто Сурт олохтооҕо, бааһынай хаһаайыстыба баһылыга Аркадий Васильев СӨ Бырабыыталыстыбатын отчуотун кэмигэр бэйэтин санаатын эттэ.
— Бөлөх салайааччыта Афанасий Ноев сахалыы, өйдөнөр гына кэпсээбитин биһирии иһиттим. Мин этиим диэн маннык. Ойуур баһаарын хас бырыһыана өртөөһүнтэн барда? Маны быһаардахтарына, сааскы өртөөһүнү көҥүллүөхтэрэ дуо? Мин элбэх баһаарга үлэлэстим. Онно көрдөххө, үрүйэ-харыйа сирдэргэ булчуттар өртөөбүт сирдэригэр баһаар тиийэн умуллан хаалар. Сэтиэнэх буолла да, буорах курдук күлүбүрээн барар.
Мин санаабар, баһаар үксэ этиҥтэн, сэтиэнэхтэн барар. Биирдэ эмит сыыһа туттууттан, киһи буруйуттан тахсар. Онон сэтиэнэҕи суох гынар туһуттан өртөөһүнү көҥүллүүрү туруорсуҥ диэн көрдөһөбүн.
Аны туран, нэһилиэк барыта оттуур Бордуолааҕар сэбиэскэй кэм саҕана тутуллубут мелиоративнай систиэмэ даамбата алдьанан, ходуһалары нүөлсүтүү атахтанна, федеральнай суолу да быһар кутталлаах. Бырайыагын оҥорон баран, бу систиэмэҕэ хапытаалынай өрөмүөн оҥоһулларын туруорсабын.
Быйыл биһиги нэһилиэкпитигэр бэйэбит күүспүтүнэн түмэл тутабыт дииллэр. Култуура миниистирэ кэлбитинэн, көмөтө оҥоруҥ диэн көрдөһөбүн.
Бэнсиин, сэлээркэ үрдээн иһэр, ол иһин тыа хаһаайыстыбата мөлтүүр. Мин биэнсийэм 20 тыһ.солк., биир буочука сэлээркэ сыаната 18 тыһ.солк. Мантан сылтаан, сүөһүлэрин эһэллэр. Маны ким хонтуруоллууруй? Бэйэбитигэр гаас, ньиэп хостонор буоллаҕына, тоҕо миэстэтигэр оҥорбоппутуй?
Уолум мобилизацияҕа түбэһэн, байыаннай дьайыыга барбыта үһүс сыла. Бу тухары эт киһи элэйэр кэмэ кэллэ, доруобуйалара да мөлтөөтө, үгүстэрэ өллүлэр-сүттүлэр. Кыайыы 80 сылынан, мобилизацияҕа түбэспиттэргэ ротация оҥорон, дьиэлэригэр кэлэллэрин өрөспүүбүлүкэ салалтата туруорсара буоллар…
Бырабыыталыстыба үлэтин үчүгэйинэн сыаналыыбын.
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…