«Балабкина.Якутия» телеграм-ханаал
СӨ Бырабыыталыстыбатын Бэрэссэдээтэлин солбуйааччы Ольга Балабкина салайааччылаах бырабыыталыстыба бөлөҕө бөлөхтөргө арахсан, олунньу 5-6 күннэригэр Горнай улууһун бары нэһилиэнньэлээх пууннарыгар сырытта.
Нэһилиэнньэ үгэс быһыытынан көхтөөхтүк кытынна. Быйыл отчуоттарынан уопсайа 619 олохтоох киһи хабылынна.
Тэҥнээн көрөр буоллахха, ааспыт сылга Бырабыыталыстыба отчуотугар Горнай улууһун 606 олохтооҕо сылдьыбыта. Горнай улууһугар саамай сүрүн үтүө көрдөрүүлэринэн Саха сирин Бырабыыталыстыбатын вице-премьерэ Ольга Балабкина оҕо төрөөһүнэ сыл аайы үрдүүрүн ааттаата.
«Горнай улууһа – өрөспүүбүлүкэҕэ оҕо төрөөһүнэ сыл аайы үрдүүрэ бэлиэтэнэр соҕотох улуус. 2025 сылга Саха сиригэр 10 327 оҕо төрөөбүтүттэн, 131 оҕо Горнай улууһугар күн сирин көрдө. Биһиги өрөспүүбүлүкэбит сиригэр-уотугар 35 тыһыынча кэриҥэ элбэх оҕолоох ыал олорор, кинилэр ахсааннара куруук элбиир. Бүтэһик биэс сыл иһигэр – 2020 сылтан 2025 сылга диэри элбэх оҕолоох ыал ахсаана 15% улаатта», – диэн салайааччы Ольга Балабкина иһитиннэрдэ.
Отчуоттарга баҕалаах киһи аайы Бырабыыталыстыба чилиэннэригэр ыйытыы биэрэн хоруй ылар, бэйэтин этиилэринэн үллэстэр кыахтаах. Ол курдук, улуус киинигэр Бэрдьигэстээх сэлиэнньэтигэр бэтэрээн Евдокия Тарасова демографияны тупсарыыга, доруобуйаны харыстааһыҥҥа санааларынан үллэһиннэ. Улуус киинигэр гимназия дьиэтин, Ускуустуба оскуолатын, оҕо уһуйааннарын тутуу, эргэ уонна саахалланар туруктаах дьиэлэртэн дьону көһөрүү бырагырааматын олоххо киллэрии, эминэн хааччыйыы, «Земскэй учуутал», «Земскэй быраас» уонна «Земскэй тириэньэр» бырагыраамалары олоххо киллэрии туһунан ыйытыылары биэрдилэр.
Бырабыыталыстыба чилиэннэрэ сылдьыбыт нэһилиэнньэлээх пууннарыгар социальнай эбийиэктэргэ сырыттылар, ону таһынан гражданнары кытта тус кэпсэтиилэри ыыттылар.
СӨ Бырабыыталыстыбатын Бэрэссэдээтэлин солбуйааччы Ольга Балабкинаҕа гражданнары кытта тус кэпсэтиилэр сүрүн боппуруостартан биирдэстэринэн Горнай улууһун сэлиэнньэлэригэр доруобуйа харыстабылын тэрилтэлэрин каадырынан хааччыйыы буолла. Бу туһунан «Балабкина.Якутия» телеграм-ханаал суруйар.
Олунньу 1 күнүттэн 6 күнүгэр диэри Новочебоксарскайга ыытыллыбыт хамсанар аппараата кэһиллиилээх күрэсчиттэр ортолоругар Арассыыйа Куубагар Саха Өрөспүүбүлүкэтин…
Быйыл кулун тутар 3 күнүгэр төрүттэммитэ 55 сылын туолар "Таммахтар" литературнай холбоһук (Мэҥэ Хаҥалас), Иннокентий…
— Улуу Туймаада быта, убаайка Биэтэс, туманнаах Туйма үрэх толоонуттан Көстөкүүн бырааккыттан уруй буоллун! Тыл тамаҕар…
Үс сыл анараа өттүгэр, 2023 сыл олунньу 7 күнүгэр, СӨ Ил Дархана Айсен Николаев «Бастакылар…
Саха төрүт аһын харыстааһын уонна сайыннарыы боппуруоһа билигин өрөспүүбүлүкэҕэ күүскэ дьүүллэһиллэр. Маннык үлэни СӨ Баһылыгын…
Бүлүү бөлөх улуустарыгар уотунан сылыттынан олорор олохтоохтор тус счеттарыгар, төлүүллэрин саҕана, икки бүк үрдүк сыана…