СИА хаартыската
СӨ Бырабыыталыстыбатын отчуота быйыл олунньу 3 күнүттэн Горнай улууһуттан саҕаланыа.
Улуус олохтоохторун кытары СӨ Бырабыыталыстыбатын Бэрэссэдээтэлин солбуйааччы Ольга Балабкина көрсүөҕэ. Икки күн устата дэлэгээссийэ бары нэһилиэнньэлээх пууннары хабыаҕа.
Салгыы олунньу 4-7 күннэригэр СӨ тырааныспарга уонна суол хаһаайыстыбатыгар миниистир Владимир Сивцев салайааччылаах бөлөх Өймөкөөн улууһугар ааспыт сыллааҕы үлэ отчуотун нэһилиэнньэҕэ иһитиннэриэ. Онтон олунньу 5-7 күннэригэр вице-премьер Анатолий Семенов салайааччылаах дэлэгээссийэ Хаҥаласка сылдьыаҕа. Бу кэмҥэ Амма улууһугар СӨ экологияҕа, айылҕаны туһаныыга уонна ойуур хаһаайыстыбатыгар миниистир Евгений Перфильев салалтатынан сылдьар дэлэгээссийэ үлэ-хамнас туһунан отчуоттуоҕа.
Былааннаммыт кыраапыгынан СӨ Бырабыыталыстыбатын Бэрэссэдээтэлэ Кирилл Бычков, бастакы вице-премьердэр Дьулустаан Борисов, Дмитрий Садовников, вице-премьердэр Сергей Местников, Георгий Степанов, РФ Бэрэсидьиэнигэр СӨ бастайааннай бэрэстэбиитэлэ Андрей Федотов, Уһук Илиҥҥэ СӨ бастайааннай бэрэстэбиитэлэ Ким Борисов, миниистирдэр уонна СӨ судаарыстыбаннай кэмитиэттэрин бэрэссэдээтэллэрэ сылдьыахтара.
Көрсүһүүлэргэ СӨ Бырабыыталыстыбатын салайааччыларыгар улуустар олохтоохторо ыйытыыларын биэриэхтэрин уонна онно толору хоруйдары ылыахтарын сөп. Бырабыыталыстыба отчуота кулун тутарга түмүктэнэр. Отчуот түмүктэрэ «Саха» НКИХ ханаалларыгар тахсыахтара.
Бу күннэргэ СӨ Ил Дархана Айсен Николаев бырабыыталыстыба отчуотун ыытар тоҕо наадатын быһаарбыта.
«Мин өрөспүүбүлүкэбит олохтоохторуттан, ыраах баар нэһилиэнньэлээх пууннартан тиийэ дьон-сэргэ суругун тутабын. Бырабыыталыстыба салайааччыларыгар туһаайан кинилэр бэйэлэрин кыһалҕаларын этэллэригэр бу кыаҕы биэрэр. Дьоҥҥо-сэргэҕэ онон олус наадалаах«, — диэн бэлиэтээбитэ. Отчуот маннык киэбинэн ыытыллара Бырабыыталыстыба чилиэннэригэр эмиэ туһалааҕын ыйбыта.
Кыраапыгы бу сигэнэн киирэн көрүөххэ сөп: https://www.sakha.gov.ru/news/front/view/id/3480409
СӨ Ил Дарханын уонна Бырабыыталыстыбатын пресс-сулууспата
Өлүөнэ өрүһү туоруур күргэ бырайыага Арассыыйа бэрэсидьиэнин Владимир Путин өйөбүлүн ылан, концессия услуобуйатыгар тутуллан эрэр.…
Ил Дархан Айсен Николаев Ис дьыала министиэристибэтин гражданнар бырааптарын көмүскээһиҥҥэ, буруйу оҥорууну утары охсуһууга уонна…
Бэҕэһээ суруналыыстар уонна блогердар тыа хаһаайыстыбатын миниистирэ Артем Александров көҕүлээһининэн Мэҥэ Хаҥалас улууһун дьоҕус уонна…
Ил Дархан Айсен Николаев 2024 сыллааҕы үп-хаһаайыстыба үлэтин түмүгүн уонна 2025 сыллааҕы былааннары көрөр сүбэ…
Байыаннай дьайыы бэтэрээнэ "Аҕа дойдуну көмүскээччи" пуонда филиалын көмөтүнэн "Юнармия" байыаннай-патриотическай хамсааһын ыстаабын Амматааҕы салаатын…
Хорообут нэһилиэгин баһылыга Гаврил Бродников аара көрсөн «Алаас-Ас» тыа хаһаайыстыбатын потребительскай кооперативыгар илтэ. Онон аан…