Хаартыска: sakha.gov.ru
СӨ Бырабыыталыстыбатын Бэрэссэдээтэлэ Кирилл Бычков Нерюнгри куоракка олохтоохтору кытта көрүстэ уонна оройуоҥҥа отчуоттуур хампаанньа түмүгүн таһаарда.
Тыл этэригэр кини СӨ Бырабыыталыстыбатын үлэтэ бастайааннай төрүккэ олоҕуран оҥоһулларын, социальнай-экэнэмиичэскэй балаһыанньа уонна гражданнар этиилэрэ, туруорсуулара учуоттанарын бэлиэтээтэ.
—Бырабыыталыстыба үлэтигэр уларытыы, эбэн биэрии куруук баар. Этиилэр, туруорсуулар хайаан да көрүллэллэр, олохтоохтор ирдэбиллэриттэн уонна балаһыаненьаттан көрөн көннөрүү, эбии үлэтэ ыытыллар, — диэн этэр Кирилл Бычков. Кини урукку сылларга оройуоҥҥа сүрүн тиэмэлэринэн хаарбах туруктаах дьиэлэртэн көһөрүү, тиэргэн сирин-уотун тупсарыы, айан-сырыы суолларын тутуу уонна өрөмүөннээһин, социальнай эбийиэктэр туруктара уонна кадырынан хааччыллыы буоларын санатта.
— Биэс-аҕыс сыллааҕыны тэҥнээн көрдөххө, оччолорго боппуруостар сүрүн өттүлэрэ базовай инфраструктураҕа — саахалланар дьиэ-уот, суол-иис, социальнай эбийиэктэр суохтарын туһунан буолара. Билигин ыйытыы, туруорсуу атын, — диир кини.
2019 сылтан национальнай бырайыактары олоххо киллэрии чэрчитинэн, оройуоҥҥа үөрэх уонна доруобуйа харыстабылын эбийиэктэрэ тутуллан, саҥардыллан, массыына суолларын учаастактара ирдэбилгэ эппиэттиир гына оҥоһуллан киллэрилиннилэр. Саахалланар туруктаах хаарбах дьиэлэртэн дьону көһөрүү бырагырааматынан үлэ салгыы ыытыллар.
—Хаарбах дьиэттэн көһөрүү бырагырааматын олоххо киллэрии мэхэньиисимнэрин — дьиэни-уоту киллэрии бэрээдэгин, үбүлээһин бопуруоһун, болдьоҕун олохтоохторго сиһилии быһаарабыт, — диэн этэр Кирилл Бычков.
Улуустарга СӨ Бырабыыталыстыбатын оробуочай бөлөхтөрүн көһө сылдьар отчуоттара кулун тутар саҥатыгар Дьокуускайга түмүктэниэхтэрэ. Түмүк «Саха» НКИХ көрдөрүллэрэ былааннанар. СӨ Ил Дархана Айсен Николаев маннык ньыманан ыытыллар отчуоттар олохтоохтору кытта быһаччы кэпсэтиини тэрийэргэ уонна сир-уот сайдыытын боппуруостарын дьүүллэһэргэ кыаҕы биэрэллэрин бэлиэтээн турар.
Сиһилии: https://www.sakha.gov.ru/news/26245
СӨ Ил Дарханын уонна Бырабыыталыстыбатын пресс-сулууспата
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…
Бултуулларын сөбүлүүр дьоҥҥо, булчуттарга маннык бэртээхэй сүбэ баар. Бастатан, айылҕатын быһыытынан тыһы ыт ордук…
Бүлүү өрүс хаҥас кытылын гаастааһын улахан бырагырааматын олоххо киллэриигэ, 2026-2031 сс. Үөһээ Бүлүү улууһугар Харбалаҕа,…