Бырабыыталыстыба отчуота саҕаланна

Бөлөхтөр улуустарынан айаннара бүгүҥҥүттэн, олунньу 5  күнүттэн, саҕаланна.

СӨ Бырабыыталыстыбатын 2023 сыллааҕы үлэтин отчуота бу күннэргэ Горнайга, Уус Алдаҥҥа, Үөһээ Бүлүүгэ уонна Бүлүүгэ буолуоҕа. Быйыл отчуокка бөлөхтөрү СӨ Бырабыыталыстыба Бэрэссэдээтэлэ Кирилл Бычков, бастакы вице-премьердэр Дмитрий Садовников, Дьулустаан Борисов, вице-премьердэр Ольга Балабкина, Сергей Местников, Анатолий Семенов, Георгий Степанов, РФ Бэрэсидьиэнигэр Саха сирин бастайааннай бэрэстэбиитэлэ Андрей Федотов, Уһук Илиҥҥэ СӨ бастайааннай бэрэстэбиитэлэ Ким Борисов, миниистирдэр уонна эрэгийиэн судаарыстыбаннай кэмитиэтин бэрэссэдээтэллэрэ салайан илдьэ сылдьыахтара.

Өрүү да буоларын курдук, көрсүһүүлэргэ олохтоохтор биэрбит ыйытыыларыгар хоруйдары тута ылыахтара, санааларын үллэстиэхтэрэ, кыһалҕаларын туруорсуохтара.