Хаартыска СӨ Баһылыгын уонна Бырабыыталыстыбатын пресс-сулууспатыттан
Саха сирин Бырабыыталыстыбатын нэһилиэнньэ иннигэр отчуота өрөспүүбүлүкэ 30 улууһун 363 нэһилиэнньэлээх пуунугар ыытылынна. Нэһилиэнньэни кытары көрсүһүүгэ 25 252 киһи сырытта диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Мунньахха саамай элбэх киһи Мэҥэ Хаҥалас улууһугар кыттыбыта бэлиэтэннэ, онно отчуокка 2 156 киһи сылдьыбыт. Түөрт күн иһигэр экэниэмикэ миниистирэ Петр Попов салайааччылаах Бырабыыталыстыба дэлэгээссийэтэ 31 нэһилиэнньэлээх пууҥҥа сырытта.
Судаарыстыбаннай былаас ситэриилээх уорганын отчуота Горнай, Өймөкөөн, Хаҥалас, Амма, Нерюнгри, Алдан, Эбээн Бытантай, Ленскэй, Таатта, Анаабыр, Сунтаар, Мэҥэ Хаҥалас, Уус Алдан, Үөһээ Бүлүү, Абый, Бүлүү, Кэбээйи, Ньурба, Дьааҥы, Булуҥ, Үөһээ Халыма, Өлүөхүмэ, Орто Халыма, Томпо уонна Усуйаана улуустарыгар, ону тэҥэ Жатай бөһүөлэгэр ыытылынна.
Отчуоттар Эдьигээн, Нам уонна Өлөөн улуустарыгар салҕаналлар. Бүгүн, олунньу 26 күнүгэр, Чурапчы, Аллайыаха уонна Уус Маайа улуустарыгар саҕаланнылар. Чугастааҕы кэминэн Муома уонна Аллараа Халыма улуустарыгар отчуоттары ыытыы былааннанар.
Санатан эттэххэ, Саха сиригэр судаарыстыбаннай былаас уорганнарын отчуота олунньу 3 күнүттэн саҕаламмыта уонна кулун тутар 7 күнүгэр диэри барыаҕа. Бу көрсүһүүлэргэ Саха сирин олохтоохторо долгутар боппуруостарын туруорсуохтарын уонна кинилэргэ сиһилии хоруйдары ылыахтарын сөп. Түмүктүүр отчуот «Саха» НКИХ ханаалыгар тахсыаҕа.
Отчуот ыытыллар кыраапыгын кытары бу сигэнэн киирэн билсиэххитин сөп: https://www.sakha.gov.ru/news/front/view/id/3480409.
Судаарыстыбаннай пуонда филиала үлэлиир кэмигэр 2023 сыл бэс ыйын 1 күнүттэн диэри эпиэкэҕэ сылдьар дьоҥҥо…
Дьокуускайга Аҕа дойду Улуу сэриитин Кыайыы 80 сылыгар аналлаах «Динамо» уопсастыбаннай сэбиэт бастакы тэриллиилэрин ортотугар…
Улахан быыстапкалыыр бырайыактары олоххо киллэрии туһунан Ил Дархан Айсен Николаев уонна Национальнай художественнай түмэл генеральнай…
“Билэҕин дуо? Үөрэт!” Бүтүн Арассыыйатааҕы оҕо билим-популярнай видеотын төрдүс сезонугар кыттарга сайаапкалары ылыы 2025 сыл…
Өрөспүүбүлүкэ олохтоохторо байыаннай дьайыы кэмигэр РФ интэриэһин көмүскүүллэрин салгыыллар уонна РФ Сэбилэниилээх Күүстэрин састаабыгар кинилэргэ…
Хачыкааттааҕы уонна 2 №-дээх Покровскайдааҕы оскуолалар ОРВИ уонна грипп ыарыыта улаханнык тарҕаммытынан харантыыҥҥа сабылыннылар. Олунньу…