Бырабыыталыстыба отчуота усуйааналарга буола турар

 Бүгүн, олунньу 18 күнүгэр, Усуйаана улууһугар Бырабыыталыстыба отчуота саҕаланна.

СӨ Арктиканы сайыннарыы уонна Хоту дойду норуоттарын дьыалаларын миниистирэ Владимир Черноградскай салайар хос бөлөҕө Уйаандьыга сырытта. Сарсын, олунньу 19 күнүгэр, Тумат уонна Сайылык олохтоохторун кытта көрсүөхтэрэ. Сайылыкка социальнай эбийиэктэри көрөр былааннаахтар.

Өйүүн күн бастакы аҥарыгар Дьүкээгир олохтоохторун иннигэр былырыыҥҥы үлэни-хамнаһы отчуоттаан иһитиннэриэхтэрэ. Эбиэттэн киэһээ Депутатскайга сылдьыахтара. Депутатскайга социальнай эбийиэктэргэ сылдьыахтара, тэрилтэлэр салайааччыларын кытары көрсүөхтэрэ.

Онтон СӨ тутууга миниистирин бастакы солбуйааччы Евгений Афанасьев салайар хос бөлөҕө Уус Куйгаҕа уонна Нижнеянскайга, Хайырга, Казачьеҕа үлэлиэ. Бары нэһилиэнньэлээх пууннарга дьону-сэргэни көрсүөхтэрэ, киирбит ыйытыыларга хоруйдуохтара.

СӨ Бырабыыталыстыбатын үлэтин-хамнаһын отчуота бары улуустар нэһилиэнньэлээх пууннарыгар улонна куорат уокуруктарыгар  кулун тутар 6 күнүгэр диэри ыытыллар.

Кыраапыгы сиһилии бу сигэнэн киирэн көрүөххэ сөп:  https://www.sakha.gov.ru/news/front/view/id/3480409.

СӨ Ил Дарханын уонна Бырабыыталыстыбатын пресс-сулууспата