Ааспыт үс сыл устата СӨ Бырабыыталыстыбатын отчуотттара хамсыктан сылтаан онлайн ыытыллыбыттара. Быйыл үгэс буолбут отчуоттар урукку сылларга курдук бары нэһилиэктэри хабан туран илэ тиийэн ыытыллыахтара. Бу туһунан Ил Дархан Айсен Николаев былаанныыр мунньахха биллэрдэ.
“Тохсунньу устата өрөспүүбүлүкэ бары үлэлиир эйгэтигэр – тыа хаһаайыстыбатыттан ньиэп бырамыысыланнаһыгар тиийэ, тэрилтэлэр үлэлээн кэлбит түмүктэрин таһаарыахпыт, хаһаайыстыбаларыгар үп эргиирин үөрэтиэхпит. Ону кытта Бырабыыталыстыба отчуотун ыытыыга бэлэмнэнии саҕаланыахтаах. Быйыл үгэс быһыытынан оччуоттар олунньу ыйтан саҕалаан улуустарга, нэһилиэктэргэ илэ тиийэн ыытыллыахтара”, — диэн эттэ Айсен Николаев.
Сүбэ мунньахха өрөспүүбүлүкэ Ил Дархана национальнай бырайыактары уонна атын федеральнай бырагыраамалары толорууга туспа болҕомтону уурда. Бырагыраамалары олоххо киллэриигэ федеральнай дьаһалталары кытта сөбүлэһиилэр номнуо 2022 сыл ахсынньытыгар илии баттаммыттар. Бырабыыталыстыба ааспыт сылтан көһөрүллэн кэлбит бырайыактарга ураты болҕомтону уурарга Ил Дархантан сорудах ылла.
Айсен Николаев төһө да былырыыҥҥы сыл кэккэ уустуктары аҕалбытын үрдүнэн, сыл түмүгүнэн үчүгэй ситиһиилэр баалларын бэлиэтээтэ. Ол курдук, 2022 сылга промышленнай үүнүү индексэ 10,5 % кэриҥэ буолбут, онон, бу көрдөрүүнэн Саха сирэ дойду үрдүнэн уон бастыҥ эрэгийиэн иһигэр эрэллээхтик киирбит. Саха сиригэр 580 тыһ. кв.м. тахса иэннээх олорор дьиэ тутуллан үлэҕэ киирбит, дьоҕус урбаан эйгэтигэр дьон кыттыыта лаппа улааппыт.
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…