Бырабыыталыстыба отчуотун бүгүн Хатастар истиэхтэрэ

Дьокуускай куорат таһынааҕы сэлиэнньэлэргэ Бырабыыталыстыба отчуота ыытыллар. Бүгүн, кулун тутар 3 күнүгэр, Хатаска «Тускул» киинигэр дьону-сэргэни көрсөллөр.

Оробуочай бөлөҕү СӨ тыа хаһаайыстыбатын уонна ас-үөл бэлиитикэтин миниистирэ Артем Александров салайар.

Тэрээһин иитинэн, «1941-1945 сс. Аҕа дойду сэриитигэр Кыайыы 80 сыла» мэтээлэринэн ытык кырдьаҕастары наҕараадалыахтара.

Манна даҕаттахха, бүгүҥҥү иһитиннэриинэн Бырабыыталыстыба отчуота 412 нэһилиэнньэлээх пууҥҥа ыытыллыбыт. Онно барытыгар 28 тыһ. тахса киһи сылдьыбыт. Отчуот 33 улууска, Жатайга ыытыллан турар.

Санаттахха, Бырабыыталыстыба отчуота олунньу 3 күнүттэн саҕаламмыта. Түмүгү кулун тутар 7 күнүгэр «Саха» НКИХ көрдөрүөхтэрэ.

СӨ Ил Дарханын уонна Бырабыыталыстыбатын пресс-сулууспата