Бырабыыталыстыбаҕа өрөспүүбүлүкэ тэрилтэлэрин туруктарын балаһыанньаларын көрдүлэр
31.10.2023, 12:15
Бөлөххө киир:
СӨ Бырабыыталыстыбатын бэрэссэдээтэлэ Кирилл Бычков бэҕэһээ, алтынньы 30 күнүгэр, эрэгийиэн иһинээҕи тэрилтэлэр үп-харчы өттүнэн балаһыанньаларын тула уонна кинилэр сайдыыларыгар туһуламмыт мунньаҕы ыытта.
Тэрээһин кэмигэр өрөспүүбүлүкэ хампаанньаларыгар ааспыт 2022 сылга үп-харчы өттүнэн туруктаах буолуу пуондатыттан көрүллүбүт судаарыстыбаннай өйөбүл ааспыт сылга түмүктэрин көрдүлэр.
СӨ премьер-миниистирэ Кирилл Бычков, бу пуонда экэниэмикэ, үп өттүнэн өрөспүүбүлүкэ тэрилтэлэрин өйүүр соруктаах Ил Дархан Айсен Николаев дьаһалынан тэриллибитин бэлиэтээтэ.
«Ааспыт сылларга тэрилтэлэр пандемияны, сааҥсыйаны көрсүбүттэрэ. Манна кыра бырыһыаҥҥа үбү иэс биэрии ньымата табыгастааҕын көрдөрдө. Үлэ миэстэлэрэ оннунан хаалбыттара, социальнай суолталаах тэрилтэлэр үп-харчы өттүнэн туруктаахтар», – диэн бэлиэтиир кини.
Кини аан дойдутааҕы экэниэмикэ балаһыанньата уустугун, онон эрэгийиэн тэрилтэлэригэр үлэни былааннаан толоруу, хаачыстыбаны үрдэтии суолталааҕын бэлиэтээтэ.
Сообщить об опечатке
Текст, который будет отправлен нашим редакторам: