Саха сиригэр урутаан сайдыы сирин-уотун кыраныыссатын сир учаастактарын эбии киллэрэн кэҥэтиэхтэрэ, бу бырамыысыланнас уонна туризм эйгэлэригэр инвестиция саҥа бырайыактарын үлэлэтэргэ усулуобуйаны тэрийиигэ төһүү буолуоҕа. Бу уураахха Бырабыыталыстыба бэрэссэдээтэлэ Михаил Мишустин илии баттаата.
Уһук Илиҥҥэ уопсайа урутаан сайдыы түөрт сирин-уотун кыраныыссалара кэҥэтилиннэ.
“Саха сирин соҕуруу өттө” урутаан сайдыыга Нерюнгри уонна Өлүөхүмэ оройуоннарын сирдэригэр таас чох кластера тэриллиэҕэ. 2027 сылга онно байытар фабриканы тутуохтара, итиннэ Сыллаахтаҕы баайдаах сир таас чоҕо тиэйиллиэҕэ. Бу бырайыагы олоххо киллэрии 15,7 млрд солкуобай кэриҥэ кэтэх инвестицияны эбии тардыаҕа уонна 1,1 тыһ үлэ саҥа миэстэтэ тэриллиэҕэ. “Якутия” ТОР иэнэ Дьокуускайга баар сир учаастагын суотугар улаатыаҕа, манна 150-180 нүөмэрдээх гостиница комплексын тутууну былаанныыллар. Бу бырайыакка кэтэх инвестициялар кээмэйдэрэ 1,4 млрд солкуобайга тэҥнэһэр.
”Киин” СДК хампаанньа бырайыагын кэлимсэ арыаллааһыҥҥа киирдибит, “Якутия” урутаан сайдыы сирин кэҥэтэн, инвесторга биисинэскэ көҕүлээһинин өйөөн. “Якутия” ТОР резиденин статуһун ылан баран, бырайыак судаарыстыба өйөбүлүнэн – нолуокка чэпчэтиилэри уонна административнай преференциялары туһаныаҕа. Маны олоххо киллэрии эрэгийиэҥҥэ саҥа инвестордары булууга уонна өрөспүүбүлүкэҕэ үрдүк таһымнаах ыалдьытымсах буолууга үтүө сабыдыаллаах буолуоҕа”, — диэтэ Саха сирин КРДВ дириэктэрэ Дмитрий Борисов.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах саайтан
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…