Суотабайы сойбоппут

ИДьМ Мэҥэ Хаҥаластааҕы отделын дьуһуурунай чааһыгар олохтоох эр киһи суотабай төлөпүөнүн уордарбытын туһунан иһитиннэрбит. Материальнай хоромньу 10 000 солк. 

Холуобунай ирдэбил үлэһиттэрин суһал-ирдиир үлэлэрин түмүгүнэн, бу Өлүөхүмэттэн төрүттээх 55 саастаах дьахтар буолара быһаарыллыбыт.

Ол курдук, уорбаланааччы бу киһини кытта быраҕыллыбыт дьиэҕэ арыгылаабыттар. Эмсэҕэлээччи киһи утуйбутун кэнниттэн, дьахтар төлөпүөнү ылбыт уонна саһан хаалбыт. Кини бу суотабайы атыылыырга былааннаммыта табыллыбатах.

РФ ХК 158 ыст. 1 ч. («Кража») холуобунай дьыала тэриллибит.

Полиция арыгы буруйу оҥорууга тиэрдиэн эбэтэр сиэртибэ да оҥоруон сөптөөҕүн, кутталлааҕын иһитиннэрэр, сэрэтэр.

СӨ ИДьМ пресс-сулууспата