Быраҕыллыбыт тимир көлөлөрү административнай хамыыһыйалар хонтуруолга ылыахтара

Ил Түмэн 13-с уочараттаах пленарнай мунньаҕар норуот дьокутааттара Административнай быраабы кэһии кодексатыгар уларытыылары киллэриигэ сокуон барылын дьүүллэстилэр.

Сокуоҥҥа уларытыыны киллэриини норуот дьокутаата Александр Кошуков көҕүлээбит.

Ол курдук, сокуон барылынан оҕо эбэтэр успуорт былаһааккаларыгар, газоннарга, күөх зоналарга ыһыллыбыт эбэтэр алдьаммыт тырааныспары харайыы, стоянкаттан атын сиргэ туруоруу иһин ыстарааптары олохтуур сыалтан оҥоһулунна.

Билигин Саха сирин үрдүнэн быраҕыллыбыт тимир көлөнү дьаһайыы боппуруоһа сытыытык турар. Тырааныспардары көҥүлэ суох сиргэ туруоруу тиэргэн иһин хомуйарга, олбуор иһигэр анал тырааныспар сырыытыгар, көҕөрдүүгэ, тупсарыы үлэлэригэр мэһэйдэри үөскэтэллэр. Эбиитин алдьаммыт, быраҕыллыбыт  тырааныспардар нэһилиэнньэҕэ экология өттүнэн кутталы  үөскэтэллэр.

Сокуон барылын норуот дьокутааттара бастакы ааҕыыга ылыннылар.