Бу күннэргэ Дьокуускай куорат олохтоохторун оптуобуһунан айан сыаната долгутар. Суоппардар доргуччу сыананы туруорсубуттар. Кырдьык, мөккүспэппин, ороскуоту балачча көрсөллөрө буолуо. Ол да буоллар, оптуобустар үлэлэрин хонтуруоллааһын ситэтэ суох дии саныыбын.
Улахан тымныыларга солуон иһэ олус тымныы, халтархай. Эдэр оҕолор киирэн оптуобус түгэҕин диэки хатыыскалыы турааччылар. Төлөһөр терминаллар магниттара мөлтөөбүт дуу, сороҕор кыайан аахпаттар. Ол аайы суоппар уонна айанньыт кыыһырсаллар. Хайыахтарай, тиэхиньикэ, тэрил итинник харгыстыыра да буолуо.
Куоракка тэйиччи олорооччулар хастыы да оптуобуһунан айаннаан, үлэҕэ, үөрэххэ тиийэллэр. Ыраата барбакка эттэххэ, ити хомунаалынай өҥө төлүүр каассаларга да айанныыр сыанан аҕаабат. Төттөрү-таары тиэстии диэтэҕиҥ.
Сыана биир сиргэ турбата биллэр суол. Ол да буоллар, 33 солкуобайтан 45 солкуобайга диэри эмискэ улаатара сыыһа. Дьокуускай куорат дьаһалтата маны үчүгэйдик үөрэтэн, экэнэмиистэр ааҕан-суоттаан, орто сыананы быһыахтарын наада. Уонна мэрия тырааныспарга салаата оптуобустар үлэлэригэр болҕомтотун уурара уолдьаста. Бастыҥ суоппардары эҥин бириэмийэлиир тоҕо кыаллыбата буолла. Ким эрэ суруйан турар, 20-с нүөмэрдээх оптуобуска тэҥнээх үчүгэй оптуобустар суохтар диэн. Кырдьык да оннук курдук, наадалаах оптуобускун кэтэһэн, тоҥо аҕай турдаххына, 20-с хаста эмэ кэлэн ааһар. Өссө 14-с оптуобус эмиэ үчүгэй дииллэр. Арааһа, биригэдьиирдэр үчүгэйдик үлэлээн эрдэхтэрэ. Пуорка киирэр 100 нүөмэрдээх оптуобус олус бэрт диэн хайгыыллар.
Дьокуускайга суолбут-ииспит баһылыкпыт Е.Н.Григорьев көҕүлээһининэн, дьаһалынан тупсан эрэр. Аны уопсастыбаннай тырааныспарбыт үлэтэ тубустар, куораппыт, дьэ, киһи олороругар тупсаҕай буолуо этэ.
Ааҕааччы
Хаартыскаҕа Андрей Сорокин (СИА) түһэриитэ
Бүгүн, ыам ыйын 6 күнүгэр, күнүс Өлүөнэ аллараа тардыытынан кыралаан ардыаҕа, Анаабырга, Булуҥҥа инчэҕэй хаар…
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…