Быракааҥҥа – икки мэндиэмэннээх дьиэ
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.02-1-1060x576.jpeg)
Үөһээ Бүлүү улууһун биир ыраах сытар Быракаан сэлиэнньэтигэр аҕыс кыбартыыралаах, икки мэндиэмэннээх дьиэ “Хаарбах туруктаах уонна саахалланар дьиэлэртэн көһөрүү” бырагыраама иитинэн тутуллан, сыл бүтүөр диэри үлэҕэ киллэриллиэхтээх. Ол курдук, дойду Аҕа баһылыга Владимир Путин быһаччы сорудаҕынан, туһааннаах бырагырааманан куораттарга эрэ буолбакка, ыраах, кытыы сытар дьоҕус нэһилиэктэргэ саҥа дьиэлэр тутуллан, өрөспүүбүлүкэ хас да тыһыынча олохтооҕо олорор усулуобуйаларын тупсардылар.
Быракаан улуус кииниттэн 90 килэмиэтир тэйиччи сытар. Сааскы-күһүҥҥү ыйдарга суол мөлтөөн, айан-сырыы харгыстанар. Күн бүгүн 250-тан тахса киһи олорор. Улуус кииниттэн төһө да тэйиччи олордоллор, тутуу үлэтэ күөстүү оргуйар. Былырыын манна «Альтернатива» ХЭУо киин хочуолунайы үлэҕэ киллэрэн, олохтоохтор абыраннылар. Аны Үтүө дьыала хамсааһын иитинэн култуурунай-спортивнай комплекс тутуллар. Бу сааскыттан “Хаарбах туруктаах уонна саахалланар дьиэлэртэн көһөрүү” бырагырааманан аҕыс кыбартыыралаах дьиэ тутуута саҕаланан, номнуо силигэ ситэн эрэр. Нэһилиэк баһылыга Алексей Оконосовы кытары төлөпүөнүнэн сибээскэ тахса сылдьыбыппытыгар: “Икки мэндиэмэннээх дьиэ уопсай иэнэ 321,6 кв миэтэрэ. Сэтинньи бүтүүтэ үлэҕэ киллэрэр соруктаахпыт. Бу күннэргэ хамыыһыйа кэлэн көрөн-истэн барбыта. Уотун-күөһүн, ититиини холбооһун үлэтэ хаалла. Дьиэ толору хааччыллыылаах. Онон, үлэ былаан быһыытынан баран иһэр”, – диэн кэпсээтэ.
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.22.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.21.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.20-1.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.20.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.19-2.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.19-1.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.19.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.18.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.01-1.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.35.01.jpeg)
![](https://sakha-sire.ru/wp-content/uploads/2023/10/whatsapp-image-2023-10-17-at-08.34.02-1.jpeg)
https://edersaas.ru/video-byrakaan-sajdar-tupsar/
Сообщить об опечатке
Текст, который будет отправлен нашим редакторам: