Быракааҥҥа уонна Бөкөҕө саҥа култуурунай-спортивнай комплекстар  аһылыннылар

Өрөспүүбүлүкэ икки  сэлиэнньэтигэр саҥа култуурунай-спортивнай комплекстар  аһылыннылар. Бу туһунан Ил Дархан Айсен Николаев МАКС-сыһыарыыга ханаалыгар иһитиннэрдэ.

Сомоҕолоһуу күнүгэр Үөһээ Бүлүү улууһун Быракаан олохтоохторугар    саҥа култуурунай-спортивнай комплекс аана аһылынна. Тутуу  «Моя Якутия в XXI веке» өрөспүүбүлүкэтэҕи үтүө дьыала хамсааһын иитинэн үлэҕэ киирдэ. Маны таһынан Мэҥэ Хаҥалас улууһун Бөкө олохтоохторо эмиэ саҥа култуурунай-спортивнай комплекстаннылар.

-Билигин Быракаан, Бөкө  дьоно-сэргэтэ успуордунан хото дьарыктанар, айар талааннарын арыйар, бырааһынньыктары ыытар кыахтаннылар.  Туһааннаах икки комплекс «Моя Якутия в XXI веке» өрөспүүбүлүкэтэҕи үтүө дьыала хамсааһынынан тутулунна уонна «Семья» нацбырайыак ирдэбилигэр  толору эппиэттиир.  Маннык тутуулар тыа сиригэр олорорго табыгастаах усулуобуйаны тэрийэллэр итиэннэ оҕолорго, ыччаттарга сайдалларыгар кыаҕы биэрэллэр, — диэн Ил Дархан бэлиэтээтэ.