Бырамыысыланнас оҥорон таһаарыыта 8%-нан улаатта

2024 сыл түмүгүнэн чоҕу хостооһуҥҥа иккис миэстэ буоллубут.

“Биһиги дьэ, аан бастакытын дойду үрдүнэн чоҕу уонна кыһыл көмүһү хостооһуҥҥа иккис миэстэҕэ таҕыстыбыт”,- диэтэ Ил Дархан парламеҥҥа отчуотун кэмигэр.

Быйыл экэниэмикэ үүнүүтэ эмиэ тэтимнээхтик баран иһэр. Тохсунньу – муус устар ыйдарга бырамыысыланнас оҥорон таһаарыыта 4,8%-нан улааппыт, бу Уһук Илин көрдөрүүтүн ортотунан икки төгүл, дойуну орто көрдөрүүтүн түөрт төгүл куоһарар.

Айсен Николаев Алроса өрөспүүбүлүкэҕэ киллэрэр кылаатын ойуччу тутан бэлиэтээтэ.

“Алроса өрөспүүбүлүкэ социальнай-экэнэмиичэскэй сайдыытыгар угар кылаата улахан. Кэлиҥҥи уон сылга Алроса бөлөҕүн тэрилтэлэрэ улуустар, өрөспүүбүлүкэ бүддьүөттэригэр 631 млрд солк укпуттара. Бу бүддьүөккэ бэйэбит дохуоппут 35%-нын ылар. Уон сыл устатыгар социальнай ороскуота 78 млрд солк буолла”, — диэтэ Ил Дархан.

Өрөспүүбүлүкэ сиригэр-уотугар үлэлиир сүрүн бырамыысыланнай хампаанньалар социальнай эппиэтинэстээхтэрин умнубаттар. Бу барыта аһаҕас кэпсэтии түмүгэр ситиһиллэр.