Бүгүн, Дьокуускай куоракка, аан бастакытын «Бырамыысыланнас уонна геологическай чинчийии: 100 сылы нөҥүөлээн» пуорум үлэтин саҕалаата.
Пуорум бастакы күнүн түмүгүнэн сир баайын туһаныыга федеральнай ааҕыныстыба (Роснедра) салалтата Ил Дархан Айсен Николаевы кытары көрүстэ. Көрсүһүү кэнниттэн сир баайын туһаныыга федеральнай ааҕыныстыба салайааччыта Евгений Петров брифиҥҥэ кэпсээтэ: «Пуорум бастакы күнэ ситиһиилээхтик ааста. Сир баайын туһанааччылар маннык форматынан кэпсэтиини интэриэһиргээтилэр. Быйылгыттан биһиги сир баайын хостооччулары кытары элбэхтик көрүстүбүт. Биһиги сир баайын федеральнай пуондатыгар саҥа уларыйыылар тустарынан кэпсиибит. Сир баайын хостооччуларга уларыйыылар тустарынан тута иһитиннэрэбит уонна туох уустуктар үөскүүллэрин, бииргэ үлэлииргэ кыһаллабыт», – диэтэ Евгений Петров.
Сир баайын хостооччулар, наука дьоно уонна былаас уорганнара бары мустан аһаҕастык кэпсэппиттэриттэн, маннык тэрээһин элбэх боппуруоһу быһаарарга табыгастаах эбит диэн Евгений Петров астыммытын эттэ.
Евгений Петров пуорум түмүгүнэн тугу кэтэһэрин эттэ: «Биһиги сүрүн сорукпут – баайдаах сирдэри тэтимнээхтик баһылааһыны көҕүлээһин, саҥа сиргэ ханнык кыһалҕалар үөскүүллэрин уонна кинилэргэ туох мэһэйдиирин билэн, ону көннөрөргө систиэмэлээх үлэни ыытыы. Хас биирдии хостонор баайдаах сир тус-туспа уратылаах, онно чопчу универсальнай модель суох, ол иһин бииргэ үлэлээн биир кэлим хайысханы тобулуохтаахпыт».
Мария Васильева хаартыскаҕа түһэриитэ (СИА)
От ыйын 8 күнүгэр Дьокуускай уонна Ленскэй архиепискоба Роман Дьокуускайдааҕы епархия тылбаас отделын үлэтин мунньаҕын…
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…