Бырамыысыланнас уонна геология миниистирин солбуйааччыта Андрей Сычевскай «Былааһы кытта кэпсэтии» биэриигэ кыттыаҕа

Ыам ыйын 16 күнүгэр 13:05 чааска «Саха» НКиХ «Тэтим» араадьыйа FM 107,1 «Былааһы кытта кэпсэтии» биэриигэ Бырамыысыланнас уонна геология миниистирин солбуйааччыта Андрей Викторович Сычевскай кыттыыны ылыаҕа.

Андрей Сычевскай геологтар үлэлэрин, быйыл тэрилтэ былааннарын уонна сир аннынааҕы уулары көрдүүргэ үбүлээһин туһунан кэпсиэҕэ. «Геология: Возрождение легенды» федеральнай бырайыагынан көрүллүбүт эбийиэктэри олоххо киллэрии туһунан иһитиннэриэҕэ.

Устуудьуйа ыалдьыта Саха сирин Арктикатыгар сиртэн хостонор баайы көрдөөһүҥҥэ үлэҕэ болҕомтолорун ууруоҕа. Каадырынан хааччыйыы туһунан иһитиннэриэҕэ. Араадьыйанан истээччилэр төлөпүөнүнэн эрийэн ыйытыылары биэриэхтэрин сөп: 8 (4112) 32-00-66 уонна 32-11-66.