Салгыы
Бырамыысыланнас оҥорон таһаарыытыгар Саха сирэ инники күөҥҥэ

Бырамыысыланнас оҥорон таһаарыытыгар Саха сирэ инники күөҥҥэ

10.12.2022, 10:00
Бөлөххө киир:

Росстат көрдөрөрүнэн, бырамыысыланнас оҥорон таһаарыыта быйыл тохсунньу-алтынньы ыйдарыгар арыый да бытаарбытын түмүгэр, уопсай көрдөрүү ааспыт сыл таһымыгар турара бэлиэтэннэ.

Бу уон ый түмүгүнэн дойду үрдүнэн уопсай көрдөрүү 100,1 % эрэ буолбут. 41 эрэгийиэн өссө да бырамыысылыннай оҥорон таһаарыытын кыччата илик эрээри, ый ахсын балаһыанньа мөлтөөн иһэр.
Ол эрээри 8 эрэгийиэҥҥэ көрдөрүү 10 %, сорохторго онтон арыый үрдээбитэ көстөр. Ааспыт ыйга тэҥнээтэххэ, Брянскай уобалас, Бурятия уонна Ингушетия көрдөрүүлэрин тупсаран, үчүгэй көрдөрүүлээхтэр испииһэктэригэр киирбиттэр.

Оттон лиидэрдэр испииһэктэригэр бастакынан Саха сирэ, онтон Ненецкэй АУо, ол кэннэ Севастополь, Адыгея уонна Тува иһэллэр. Ону таһынан, дойду уопсай көрдөрүүтэ биир таһымҥа турарын туһугар,  9 % Москва оҥорбут.

Оттон Сахалин, Камчаатка, Калининградскай уонна Калужскай уобаластар, ону сэргэ Марий Эл оҥорон таһаарыылара 10 % түспүт. Арай Чукуотка эрэ ааспыт ыйдартан эбиллэн, былырыыҥҥы көрдөрүүтүн куоһарбыт. Дойдуну таҥнары тардааччыларынан Вологодскай, Кемеровскай, Тюменьскай, Курскай, Ульяновскай уобаластар буолаллар, онно көрдөрүү түһүүтэ 5 %-н тахса.
Урут бырамыысылыннастара сайдан испит эрэгийиэннэрэ – Подмосковье, Ямало-Ненецкэй АУо уонна Томскай уобалас таҥнары түспүттэр. Бу сырыыга  бырамыысылыннастара түспүт биир даҕаны эрэгийиэн үөһэ диэки өнүйбэтэ.

Итинэн ыллахха, сыл түмүгүнэн Арассыыйаҕа бырамыысыланнас оҥорон таһаарыыта үрдээбэт чинчилээх, төттөрүтүн ахсынньы бүтүүтэ таҥнары барыы бэлиэтэниэн сөп. Күһүн сорох эрэгийиэннэр көрдөрүүлэрин тупсарбыттарын үрдүнэн балаһыанньа итинник…

Лента
Салгыы
6 февраля
  • -44°C
  • Ощущается: -51°Влажность: 66% Скорость ветра: 2 м/с

Сообщить об опечатке

Текст, который будет отправлен нашим редакторам: