Бүрүсүлүөс анаалыһын чахчыта билиннэ

Бүрүсүлүөс анаалыһын чахчыта билиннэ

23.12.2022, 21:02
Бөлөххө киир:

Бүрүсүлүөс ыарыы Дьокуускайга ыттары быстах кэмҥэ тутар «Помоги выжить” пууҥҥа көстүбүтүн туһунан суруйан турабыт. Бэлиэтээн эттэххэ, пуун салайааччыта Екатерина Безрученко 533 ыкка ыарыы баара биллибитин үрдүнэн, анаалыс түмүгэр итэҕэйбэккэ ыттары утутары утарар, маны сэргэ, хабыр майгылаах 83 ыттан анаалыс ылары боппут.

Биһиги СӨ Бэтэрэнээрийэҕэ Департаменын салайааччы Петр Лукич Петровка сибээскэ таҕыстыбыт.
— Социальнай ситимнэргэ бүрүсүлүөс ыарыы туһунан анаалыстар чахчыта суохтар диэн суруйбуттар. Ол эрээри чопчулуур буоллахха, иммуноферментнэй анаалыһы оҥорор нобуордары «Курскайдааҕы фабрика — Биок фирма” диэн биофабрика оҥорор. Кинилэр оҥорбут нобуордарынан биһиги лабораториябыт анаалыстыыр. Бэлиэтээн эттэххэ, бу биофабрика 2025 сылга диэри сөптөөх үлэтин туһунан декларациялааҕын этиэххэ наада. Бу анаалыс оҥорор нобуор Федеральнай бүддьүөттэн субвенция көрүҥүнэн үбүлэнэн эпизоотическай тэрээһиннэри ыытарга толоруллар. Биофабрика Россельхознадзор лиссиэнсийэтин илдьэ сылдьар. Эрэгийиэннээҕи бэтэрэнээринэй сулууспаларга үөһээ дьаһалта уорганнарыттан бу нобуору уларытар туһунан, ону сэргэ ыарыы баарын көрдөрөр түгэнигэр эбии чинчийиилэри оҥоруу туһунан дьаһал кэлэ илик. Онон биһиги департамеммыт Арассыыйа Федерациятын Россельхознадзоругар аадырыстаан бу “Курскайдааҕы биофабрика — Биок фирма” нобуорун туһаныы туһунан сурук ыыттыбыт. Маны сэргэ, 2020 сыл балаҕан ыйын 8 күнүнээҕи 533 №-дээх бэтэрэнээринэй быраабыла 22 пуунунан, биологическай уонна патологическай лабораторнай чинчийиилэр бактериологическай чинчийии көрүҥүнэн, полимеразнай цепной реакция (ПЦР), серологическай чинчийиилэр көрүҥнэринэн бүрүсүлүөһү бэрэбэркэлэниэхтээх. Иммуноферментнэй анаалыс (ИФА) R — антигены кытары серологическай чинчийиилэр көрүҥнэриттэн биирдэстэрэ буолар. Бу 2 №-дээх сыһыарыыга ыйыллар. Бэтэрэнээринэй быраабыла 23 пуунугар сурулларынан, үөһээ ыйыллыбыт анаалыстар бүрүсүлүөс ыарыы баарын чахчы көрдөрөллөр. Судаарыстыбаннай сорудах чэрчитинэн, Курскайдааҕы биофабрика нобуорунан Саха сирин өрөспүүбүлүкэтээҕи чинчийэр лаборатория бэтэрэнээринэй исписэлиистэрэ биһиги өрөспүүбүлүкэбит араас улуустарын 32 ытын уонна «Помоги выжить» пуун 736 ытын хааннарынан анаалыс оҥорбуттара. Онуоха улуустартан ылыллбыт 32 анаалыска ыарыы суоҕун көрдөрбүтэ. Оттон пуун ыттарыгар 736 анаалыс оҥоһуллубутуттан 77 анаалыс ыарыы суоҕун көрдөрбүтэ. 126 – ыт анаалыһа саарбахтанар. Оттон 533 ыкка бүрүсүлүөс баара чахчыламмыта.
ИФА бэрэбиэркэлээһинэ саамай чахчытык ыарыы баарын быһаарар анаалыс көрүҥэ буолар. Саха сирин өрөспүүбүлүкэтээҕи бэтэрэнээринэй-чинчийэр лабораторията билиҥҥи туругунан сальмонеллез уонна листериознэй анаалыстары ылыыга үлэтин тохтоппута. Бу иммуноферментнэй анаалыһы оҥорууга сыһыана суох. Лаборатория сибиир язватын, туляремия, бүрүсүлүөс, ииримтийии курдук ордук кутталлаах, сыстыганнаах кыыллар ыарыыларын анаалыстарын оҥорорго лиссиэнсийэлээх. Мааҕыан этэн аһарбытым курдук, биһиги лабораториябыт Курскайдааҕы биофабрика оҥорор нобуордарынан анаалыстары оҥорор. Онон «Помоги выжить” пууҥҥа 533 ыт бүрүсүлүөстээбитэ сымыйа буолбатах.

Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: