Ульяна Захарова хаартыскаҕа түһэриитэ
Билигин социальнай ситимнэргэ бүрүсүлүөс анаалыстарын түмүгүн туһунан иһитиннэрии тарҕанар. Онно сурулларынан, төрүт даҕаны ыалдьыбатах ыттартан анаалыс ылан лабораторияҕа ыыппыттар дииллэр. Бу сураҕы чопчулаары биһиги СӨ Бэтэринээрийэҕэ департаменыгар сибээскэ таҕыстыбыт.
Онуоха СӨ бэтэринээрийэҕэ департаменын салайааччытын солбуйааччы Виктор Семенов Дьокуускай куораттааҕы бэйдиэ сылдьар ыттары тутар, хаайар пууҥҥа бүрүсүлүөһү утары үлэ-хамнас хаамыытын, балаһыанньа хайдаҕын билиһиннэрдэ:
— Дьокуускай куорат бэйдиэ сылдьар ыттары тутар, хаайар пуунугар турбут бүрүсүлүөһү утары ыытыллар үлэ-хамнас бүгүҥҥү күҥҥэ болҕомтобут киинигэр турар.
Бу ыарыыны туруорар, диагностыыр баар бары лабораторнай чинчийиилэр түмүктэрин сэргэ, бу күннэргэ түмүктүүр чинчийиилэри Ставропольскай кыраай уонна Санкт-Петербург лабораторияларыттан кэтэһэбит.
Бу киин куораттар лабораторияларын чинчийиилэрин түмүгэр олоҕуран Дьокуускайдааҕы ыттары тутар, хаайар пууҥҥа ууруллубут хааччахтары өһүлэр, туоратар дьаһаллар туһунан быһаарыылар ылыллыахтара.
Пууҥҥа иитиллэн турар ыттары өлөрөр хайа да балаһыанньаҕа бобуулаах, ыты өлөрөр туһунан быһаарыыны бэтэринээринэй исписэлиистэн ураты ким да ылар кыаҕа суох. Ыттары эмтэммэт ыарыыттан, эчэйииттэн, эрэйи, ыарыыны көрдөрбөт туһуттан сиэргэ-майгыга олоҕуран утутуохха сөп. Ол эрээри билигин быһаарыныы ылынар эрдэ. Анаалыстар түмүктэрин күүтэбит.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…