Бүрүсүлүөстээбит ыт 15 хонугунан «утутуллуохтаах»

Дьокуускайга кане-корсо диэн боруодалаах дьиэ ытыгар бүрүсүлүөс ыарыы баара биллибитэ. Ол эрээри ыт хаһаайката ыта бүрүсүлүөстээбитин итэҕэйбэккэ соҕотоҕун тахсан пикет оҥорбута.

СӨ Бэтэринээрийэҕэ департамена бэлиэтииринэн, бүрүсүлүөс кыыл иһигэр сылдьан бытааннык сайдар уонна бары уорганнары сиэн сөп. Бүрүсүлүөһү антибиотигынан эмтииллэр, ол эрээри 35-80% бу ыарыы эмтэммэккэ олохсуйан хаалыан сөп.

Бэс ыйын 8 күнүгэр Дьокуускай куорат суута быһаарбытынан, Арассыыйа тыатын хаһаайыстыбатын  533 №-дээх  бирикээһин 35 пуунунан бүрүсүлүөстээбит ыт 15 хонук иһигэр утутуллуохтаах.